هلموا . نوع حلويات بسيط غير مكلف و راح يعجبكم أكيــــــــــــــد !! :) 2024.

[IMG]https://i29.************/4kxvsg.gif[/IMG]
كيف الحال ان شاء الله بخير؟؟
:blink:

المهم وباختصار اليوم حبيت نوريلكم وحد الوصفة خاصة و سرية للغاية leep:
لتحضير وحد النوع من الحلويات نسموه حنا الذايبة ونتوما مانيش عارفة واش تسموه :001_huh:
المهم و المفيد هذا النوع مايتطلبش مكونات بزاف بصح يخرج بنين و هايل و يذوب في الفم و شكله شباب و الخ …
هههه خسارة ما كاش تصاور بصح المرة الجاية كي نطيبو نبعثلكم الصورة
:biggrin:
أيا بلا مانطول عليكم أترككم مع:
المقااااااااادير :
– 4 صفار بيض
– 200 غ شكر رطب <sucre glace>
– 200 غ زبدة طرية
– ملعقة أكل فانيليا <vanille >
– 100 غ مايزينة < نشا>
– 250 غ فرينة

– شوية معجون < باطة صغيرة و النوع لي حبيتوه> مثلا انا نحب معجون المشماش :w00t:
– عطر < لي تحبوه : فرولة، توت ، … الخ > نحب نخلط تاع الفرولة مع تاع الموز
< عندو نكهته رائعة>
– ملوّن < poudre> و من المستحسن يكون لونه كيما لون الفرولة
– 1 خميرة غاتو… خميرة نوارة أكيد :biggrin:

طريقة التحضير :
في إناء غامق نحطو الزبدة الطرية و السكر الرطب و صفار البيض و نضربوهم بالخلاط حتى ينصرعو cared:… آه حتى يولي الخليط أبيض اللون.
من بعد نزيدولهم الفانيليا ، المايزينة و الفرينة و الخميرة تدريجيا.
< ملاحظة: المكونات الجافة ديما نخلوها مع اللخر>
كي نكملو …. (شوفو لازم تبعوا المقادير و ماتبهدلونيش لازم تجي شوية جارية ، يعني كي تشوفوها جارية ماتخافوش وماتزيدولهاش الفرينة ياو هي وسمها الذايبة و لازم باش تجي سوا سوا تبعو هادو المقاير) !
المهم … كي تكملو تخلطوا gاع المحتويات و تخلو العجينة تريح شوية شدوها و شكلو كويرات صغيرة ماشي كبيرة بزاف خاطش منبعد تكبر…
حطوها في لي كيسات وش يسموهم < أكياس الحلوى؟> ومن بعد حطوها في قوالب تاع الدزيريات < ياك تعرفوهم؟ هادوك تاع الحديد> واذا ماكاش معليش ما يصرى والو، برك تخافو ينحرقو لي كيسات ههه :laugh:
من بعد أضغطو على الوجه تع الكويرة شوية برك باش نخلوها مسطحة
نحطو الحلوى في فورنو سخون … و كي تولي شوية وردية خرجوها
و السر نتاعها: ماتحلوش عليها الفرن باش ماتهبطش و تذوب خلوها شوية وقت حتى تشد روحها
كي تبرد زينوها بالمعجون لي تكونو حضرتوه من قبل
(تخلطو شوية معجون + العطر لي قلتلكم عليه + الملون) يولي معجون وعليه الكلام < غير بالهف:wink:>
و شبحو أو زينو فوقو واش حبيتو (لوز…كوكاو … جوز … اي نوع مكسرات آخر… الخ)
مثلا نحب نديرلها الشيكولا المرابيا <المسكرفجة ههه> و نرشو شوية سكر خشين باش ييبس المعجون

و في الأخيـــــــــــــــــــــــــ ــــــــر …. امممممممم شهية طيبة :tongue_smilie:
نتمنى يعجبكم هذا النوع وتجربوه
… شخصيا نموت عليه :001_rolleyes: …
:angel_not:
تحياتي للجميــــــــــــــــــــــع
[IMG]https://i44.************/2lmqtxi.jpg[/IMG]

شكرا على الموضوع
بس ممكن تحطي صورة

شكرا أختي على الوصفة الرائعة (la fondante)
وأنا جربتها بنفسي مرة حضرتها بالعجينة البيضاء ومرة حضرتها بالعجينة
الموضوع فيها بودرة الكاكاو

أنا إستعملت للتزيين بعد وضع المربى رقائق اللوز( amandes effilées )
على شكل وردة وفي الوسط وضعت شوكولا مبشورة خرجت تحفة وبنينة بزاف

هدا عندنا نسموه المشوك

اقتباس المشاركة الأصلية كتبت بواسطة merieme hassi

وفيكي بارك عزيزتي
شكرا على مرورك العطر
وان شاء الله تكون عجباتك الوصفة وجربتيها :biggrin:
تحياتي

اقتباس المشاركة الأصلية كتبت بواسطة mirhane شكرا على الموضوع بس ممكن تحطي صورة

العفو عزيزتي … شكرا ليك على المرور الطيب
ad: للأسف معنديش صورة لكن النتائج مضمونة ههه
كاش نهار ان شاء الله
تحياتي ليك

اقتباس المشاركة الأصلية كتبت بواسطة ندى الورود شكرا أختي على الوصفة الرائعة (la fondante) وأنا جربتها بنفسي مرة حضرتها بالعجينة البيضاء ومرة حضرتها بالعجينة الموضوع فيها بودرة الكاكاو أنا إستعملت للتزيين بعد وضع المربى رقائق اللوز( amandes effilées ) على شكل وردة وفي الوسط وضعت شوكولا مبشورة خرجت تحفة وبنينة بزاف وأنا أنصح الجميع بتجربتها لأنها رائعة جدا وهذه الوصفة هي من كتاب حلويات عصرية 2 لسعيدة بن بريم

العفو عزيزتي فعلا وصفة رائعة …
و جامي جربتها بالكاكاو :blink: وطريقتك للتزيين عجبتني فكرة مليحة يعطيك الصحة
و حبذا اذا كان هذا الكتاب لي جبتيها منو الكتروني ابعتيهولنا …
نموت على هذا النوع من الحلويات gateaux sec :thumbup1:
تحياتي ليك وشكرا على مرورك العطر

اقتباس المشاركة الأصلية كتبت بواسطة حنان30 هدا عندنا نسموه المشوك

آواه ختي حنا عندنا المشوك حاجة وهادي حاجة …
المشوك يجي شوية يابس مقارنة مع هادي … هادي تجي تذوب في الفم
و ثاني المشوك يترمد مع اللخر بالكوكاو ولا اللوز
بالاك شبهتيهم بارسكو حنا تاني نخدمو المشوك والوصفة تاعو مختلفة
——————-
تحياتي ليك وشكرا على مرورك الطيب نورتي الصفحة :thumbup:

اقتباس المشاركة الأصلية كتبت بواسطة Adrenaline العفو عزيزتي فعلا وصفة رائعة … و جامي جربتها بالكاكاو :blink: وطريقتك للتزيين عجبتني فكرة مليحة يعطيك الصحة و حبذا اذا كان هذا الكتاب لي جبتيها منو الكتروني ابعتيهولنا … نموت على هذا النوع من الحلويات gateaux sec :thumbup1: تحياتي ليك وشكرا على مرورك العطر

جربيها بالكاكاو روعة قبل ما تحطي الفرينة
في العجينة حطي تقريبا 50غ أو أكثر بودرة كاكاو وكملي حطي الفرينة
حتى تحصلي على عجينة طرية
أنا أخدت الوصفة من عند صديقتي اللي عندها الكتاب
لكن أنا فعلا محملة في جهازي كتاب حلويات عصرية 2 وهو باللغة الفرنسية
وحقيقة انا نسيت من أي موقع حملت الكتاب وقد بحثت لكي
عن روابط لهذا الكتاب لكن للأسف لا تعمل وسأبحث لكي عن روابط تعمل
وإذا لم أجدها أعدكي أني سأرفعه لكي من جهازي
على موقع 4shared عن قريب إن شاء الله