بعد ايام مراطونية مع القضيان والتوجاد
لاعراس خوالي لقيتهم فاتو ولقيت روحي قاعدة
قلت نبدى نصفي شوية صور من اللي خطفتهم
اول عرس كان عرس خالي اللي تزوج صديقتي المقربة
ندعيلهم من قلبي ربي يحفظهم من العين ويهنيهم ويرزقهم الذرية الصالحة
اول صورة هي صورة لابياس مونتي اللي اديناهالها نهار الخطبة ديالها
وهدو صور الحلويات اللي عملناهم احنا في العرس وقت جبناها
فلي بوات حطينا مقروط اللوز البقلاوة حلوة النستلي تشاراك وعرايش
ومع لاتاي عملنا قريوش حجم عائلي ههه ومقروط
وللقهوة فايام العرس عملنا تشكيلة من لي سابلي وحلوة الطابع وغريبية
وتشاراك عريان
بالاضافة للانواع اللي حطيناهم فلي بوات
وبعد مافات عرس الطفل بعد ايام لحقت دالة اختو ههه
خالتي واختي وحبيبتي وكلشي
ربي يهنيها ان شاء الله ويرزقها من فضلوا
ماكانش عندها وقت ياسر
لكن كلشي فات على احسن مايرام الحمد لله
هاذي لا بياس اللي جابوهالها الخطابة
وهدوا الحلويات اللي عملتهملها
كعيكعات بالطلية
بقلاوة
ودزيريات
ومع لاتاي عملت حلوة بعجينة البقلاوة والمكسرات هادي فالسنيوة صورتها بالبيسي برك عملتها مرة اخرى كادو لصحبتي ههه
ووردة الرمال الصورة هدي شوية قديمة
والمقروط
ان شاء الله يكونو عجبوكم
ولعقوبة لكل العزاب اللي مزالو
ربي يبعثلهم واش متمنيين
ماشاء الله كلشي باهي
اول شي واهم شي ربي يهنيهم بزواجهم ويرزقهم الدرية الصالحة
ألف مبروك
شكرا أختاهـ لمشاركتنآ هاته الصور الجميلة
تحياتي ~
عجبني القلاصاج تاع الحنيونات ادا مافيش مشكل ممكن الوصفة
خليلي حقي عند فوفتي
وبزيان السعد ان شاء الله
ربي يهنيهم ويرزقهم الدرية الصالحة ان شاء الله
الحلويات ما شاء الله تسلمي ختيتو
مشكورة اختي على الصور ادا ممكن الوصفة تاع المودال هدا
و كدلك بالنسبة للقلاصاج
كلشي روعة
عجبني تشاراك نص بطلية ونص مسكر جا شكلو روعـة
الله يهنيهم ويفرحهم
لعقوبة ليك سمسومة