أسرار الطهي لطباخات اللمة // موضوع متجدد باذن الله // 2024.

[COLOR="rgb(139, 0, 0)"]

وش راكم يا طباخات ان شالله تكونو بخير
حبيت نفتح موضوع لفائدة الجميع و خاصة لبنات المبتدئات في الكوزينة و حابين يفاجأو ناسهم بأحسن الاطباق و مش عارفين كيفاه ؟
و طبعا طباخات اللمة الموضوع يعتمد عليكن بالدرجة الاولى فرغو ما في جعبتكن من نصائح و اسرار في جميع مجالات الطبخ …. الطهي … الحلويات …. العصائر …. الخ و لا تبخلن و افيدو البنات و ان شالله تكتب ليكم اجر و حسنات

نتمنى نلقى تفاعل منكن

[/COLOR]

بما أني لي فتحت الموضوع لازم نشرك انا الاولى
مش بصفتي طباخه وللا عندي خبرة …. بصفتي لازم نشارك ونقدم حاجة
بالنسبة لي اهم حاجة نعتمد عليها في الطياب و تزيد النص في البنة … سواء طواجين و للا القراتان …في بلاصت الزيت ندير زبدة ستار تمد بنة و ريحه هايلين جربوها و تعجبكم ان شالله

موضوع هايل الاخت رنيم انا نعطيكم نصيحة صغيرة السمك و الدجاج ديما نخليهم يباتو او على الاقل يتنقعوساعتين في الليمون و الملح باه تروحلهم الريحة و يجيو بنان
و الثوم انا نقشرو و نديرو في بلارة تتسكر مليح و نعمرو بالزيت يقعد هو هو

موضوعك جد رائع اختي رنيم واكيد لبنات غايبات او في اركان اخرى من المنتدى متواجدات وراح يعجبهم الموضوع اكيد بارك الله فيك
حبيت نفيدكم بهذه الفكرة دوما مع الدخاخ
اذا طيبتي مرق ابيض بالدجاج من الاحسن طيبي قطعة ليمون ايضا معاه راح تعطيه ذوق وثاني لون جميل للمرق
وبخصوص الحلويات خبيبتي وجدي مقادير الحلوى تاعك اولا
وحضري باسينة تاع نيلو من الاحسن وتكون ناشفة مليح
ودائما تعلمي تراقبي المقادير وتمعني فيها قبل البدا في العمل
فمثلا 250غ زبدة يمشيو معاه 2مغارف كبار سكر رطب اذا كان القاطو مسكر من الخارجاو معسا او يكون مقلاسي
واذا كان لا زيدي مغرفة لاغير متتعامليش بالكاس

[QUOTE=رنيم الصمت;5091107]

موضوع هايل
يعطيك الصحة
ياريت كون تفاعل سيرتو الي يعرفو لطياب
معنديش اسرار
وشنو عندي مشكل في الملح جامي صلحتلي ماكلة بملحها ديما نزيد

الملح كاين هاذوك لمغارف تاع لقياس يجيو وحدة فوق وحدة اخدمي بيهم حتان تمشي يدك انا كي تزوجت صادفني هاذا المشكل كنت نطيب ل8 الله يبارك ووليت نطيب لواحد مالقيتش راسي خلاص بصح انا كنت نقص ماكلتي ديما مسوسة

اوتار الروح الطباخة الماهرة طعامها يكون مسوس لانو لمساسة اداويها وتزيدي الملح وتاكليها افري انو الاكل مالح واش راح ادريلو
تقوليلي نلوحلو قطع بطاطا او كوسة راني معاك واذا ما فادوش راح اكيد ترميه
ماعليك غير تشوفي الكمية اللي درتيها اليوم وتزيدي غير بشويا حتى وين توصلي للذوق اللي يعجبك وكملي مع الكمية هاذيك
واذا شفتي روحك اديري بزاف وتبقى ترميها ماعليك غير تنقصي الماء وماتمرقيش بزاف وابقاي على الكمية اللي الفتيها
انريس رنيم راه بدا التفتعل حبيباتي متزعفوش واي سؤال الاخوات معليهش يطرحوه هنا وراح كل واحدة في امكانها تجاوب اختها وبهاذا المتمكنة تعلم المبتداة ونكونو ام وبنت انشاء الله

شكرا على الموضوع المفيد نصيحتي اليوم هيا ديما طيبي الاكل انتاعك على نار قليلة راهو السر فيها تجي بنينة واذا تلهيتي بالشغل ونسيتيها ماتتحرقش هاذ المعلومة لجدتي الله يذكرها بالخير علمتهالي في بدايت تعلمي لطبخ ومن ذاك الوقت وانا نعمل بيها واذا عندي الوقت راني نشارك مرة اخرى ان شاء الله