السلام عليكم
حبيت اليوم نطرح موضوع خطر على بالي
حنا النسا ندابزو مع رجالنا و نتناقشو و ممكن هو يعيط و يزعف و بالاط يضرب الباب و يخرج و كاين الرجال اللي غير يخرج ينسى كل شي و يدخل يضحك و حنا نكونو فالدار تخدمنا و نخمو كيفاش يقولي هكدا و يعيط عليا و فالوقت اللي هو يدخل يضحك حنا نكونو زدنا شعلنا و نقولو كي يدخل نقولو و نتفاهم معاه و توجدي واش تقولي باش تفرعي اللي ف قلبك عكس الرجل اللي يكون كل شي فرغه برة
و العكس كاين الرجال اللي يخصمو نساهم ايام و يعاقبهم اشد العقاب على كلمة مهما تكون صغيرة رغم محاولات المراة المتكررة باش تصالحو
انا حبيت كل وحدة تدخل تحكيلنا
اي نوع من النساء انت؟
و عندما تتخاصمين مع زوجك هل انت تبادرين بالصلح او تنتضري ان يكون هو المبادر؟
هل تستطيعين ان تبقي متخاصمة معة لوقت طويل؟
هل تستطيعين اغماض عينك و النوم براحة و انت تديرين ظهرك له و ترفضين مصالحته؟
هل تتمنين لو انه يكون المبادر لانك لا تستطيعين فعل ذلك خوفا على كرامتك؟
ارجو التفاعل مع الموضوع مشكورين
و السؤال موجه للرجال ايضا
(( تزوجوا الودود الولود ))
حتى كي يغلط معاها ما تردلوش …
وتبادر هي للصلح …وهو عارف في نفسو بلي راهو غالط .. وهذي تزيد في مكانتها عندو.
واعتذارو ليها عادة يكون بالفعل لا بالكلام …..
*******
هذي هي المرا اللي تبغي تحافظ على اسرتها .
ماشي اللي اديرلوا شراع احمر … وتبات راقدة مادتلو ظهرها كالبعير …..
وتقعد تشنفر وتخنفر طول النهار ….
*********
شكرا لك اختي.
مشكور اخي ردك شرفني
|
بصح هو مسكين يهدر معاديا 
زعمة أنا لي مظلومة ههه المشاكل البسيطة هي فاكهة الحياة الزوجية وإلا الروتين راح يدير واااااد
شكرًا ياسو على الطرح الجميل روحي راضي المخلوق 
و الله ما راني مقلبتها رانا ملاح الحمد الله شفت وحدين مقلبينها جاتني الفكرة مصائب قوم عند قوم فوائدو
و انا تاني يا ختي ما نقدرش نبات حتى ليلة و حنا مدابزين غير يهدر معايا تجيني على قلبي بصح هذا ما يمنعش باش ندير شوية عز على روحي راكي تعرفي
ربي يهنيكم حنونة
فرحني الرد تاعك يعطيك الصحة