أريد المساعدة 2024.

السلام عليكم..اود ان اطرح مشكلتي و اتمنى منكم المساعدة و اعطائي الراي السديد..لقد تمت خطبتي منذ شهرين على شاب تعرفت عليه لمدة ثلاثة أشهر و قد أعجبتني خصاله إلا أن ظروفه المادية ليست جيدة نوعا ما رغم أنه موظف فهو يبني في بيتهم..المهم هو طلب مني أن أساعده في التحضير للعرس كأن أشتري غرفة النوم أو أساعده في شراء الذهب و ما إلى ذلك..رغم أنه طيب و لا يبخل علي بشئ إلا أن هذا الموضوع أقلقني و أخاف أن يكون عقبة في زواجنا في المستقبل.

من عنده او عندها تجربة مثل تجربتي الرجاء أن ينصحوني و لكم جزيل الشكر…

ادا تاكدت من خصاله لما لا تساعديه لانه مهما كان كلشي راح يكون ليك

أعلم..عموما شكرا على النصيحة.

السلام عليكم ورحمة الله
اولا مبروك عليك الخطبة وان شاء الله يتمم بيناتكم على خير…………اما في موضوعك فانا من راي اختي رادية ايمان…اذا راكي كتاكدة من خصاله واخلاقه فعادي تساعديه يا اختي ولكن نظن عاونيه في حوايج صغار ماشي كيما غرفة النوم فمهما يكن هذي لازم عليه هو يشريها باش يحس بلي اوموا دار حاجة بعرق جبينه
اما الحوايج الثانيين فعادي تعاونيه وقوليلو مايكلفش روحو ويشري صوالح ماهمش مهمين ولا صوالح تقدرو تجيبوهم مورا العرس……………
انا كانت عندي تقريبا نفس مشكلتك ولكن انا بخصوص مستلزمات الخطوبة …من التبق والخاتم وبياس مونتي
ووووووووووووووووووو
انا تفاهمت معاه وقتلو gاع مايكلفش روحو ومايخممش قتلو انا راني راضية بيك وغير انا اللي راني حاسة بيك وبضيق اللي راك فيه……….والله غير تبع نصيحتي ودار اللي يقدر عليه وماعلاباليش بهدرة العرب اللي ماتدي ماتجيب……….انتي ساعديه وخليها بيناتكم برك بسكو اذا عرفو الناس هو يحس راه مقصر معاك وماهوش راجل ………عاونيه وان شاء الله ربي يعوضك باحسن من اللي درتيه ……….راه رايح زوجك يبغيك ويحطك في عينيه انا راني نقولك هذا الكلام لاني راني عايشاتوا…………حاجة ماهيش خاصتني معاه
اللي نبغيها يجيبهالي….الله يخليهلي ويخليلك زوجك ان شاء الله …………..تقبلي مروري العطر
سلااااااااااام

مشكورة اخيتي على هذا المرور و على نصائحك الثمينة..الصراحة هو يحبني و في الخاتم دارلي بزاف صوالح رغم اني قتلو ما يكلفش روحو بصح قاللي راني حاب نفرح والديك و زاد دارلي الشرط اللي حبوه والديا و الله كبر في عينيا و ثاني راني حاسنة عونو ما كانش اللي حب يساعدو حتى دارهم..برك هو كي شافني خدامة قاللي باش نتزوجو بلخف عاونيني ..المهم مشكورة اختي و ربي يهنيك و يهنينا كامل.

شكرا اخي و العقوبة ليك ان شاء الله..الصراحة فيه كل المواصفات اللي تتمناها المراة في الرجل من دين و اخلاق و تربية و علم بالاضافة انو يحبني و يحاول قدر المستطاع انو يرضيني اما حاجة اخرى فالرزق على ربي..كما قلت لازم ما نخليش الامور المادية تشوش حياتنا..شكرا اخي الصغير.