نكت جزائرية 2024.

-1-

واحد مجنون عيط في البرتابل ديالو حط النيميروا على الزهر مالا جاوبت وحدة قالها هذا النميرو نتاع محمد قاتلوا لالا قالها مالا وعلاه تريبوندي.

-2-

واحد مجنون حلق الموستاش دخل على صحابوا قالهم تصدقوا ماعرفتكمش.

-3-

قالك واحد غلباتو مرتو ديما يغسل هوالمواعن… واحد النهار راح لواحد صاحبو
قالو كيفاش ندير معاها قالو روح أزعف واصرخ عليها درك تخاف منك , أيا واحد نهار
دخل للدار زاعف بدا يعيط قالها أسمعي يا خيرة…ناضت هي ثاني تعيط قاتلو واش
تحب يا حمار قالها كشما مواعين نغسلهم.

-4-

واحد كان لابس صباط تاع مليون … طلع في الكار عفست عليه عجوز قالها يا الحاجة راكي عافسة على مليون قالتو.. تاعي وين راها ؟.

-5-

واحد ديما يرفد معاه قرلو ميت باش كي يروح للمطعم يحط القرلو في الماكلة
وممبعد يروح يشكي… يقولو مول المطعم كول باطل وما تبهدلناش ديما
يدير هكذا…وحد المرة فاق بيه صاحبو قالو أعطيني كشما عندك قرلو ميت قالو مازالي 4 نستقهوا بيهم.

-6-

قالك مرة واحد ديما تسقسيه صاحبتو: واش
تغديت؟… يقولها: لوبيا … ديما هكا واحد النهار قالوا صاحبوا اكذب شوي قولها
تغديت شواء . كليت كفتة . تغديت بيتزا …..
ايا خدمتلوا قال والله عندو الحق .

الغدوى سقساتوا صاحبتوا: واش تغديت ؟ قالها:بــيــتــزا
قاللتلوا :واش مليحة (بنينة)؟ قالها : و الله كليت 2 مغارف
شبعت.

-7-

قالك واحد السيد تصور بين زوج حمير وبعثها لصاحبوا…وكتب تحتها ملاحظة "راني في الوسط".

-8-

زوج كباش تفاهمو مع بعض …كل واحد يعور الاخر …باش ما يدبحوهمش فالعيد الكبير.