السلام عليكم يا ناس اللمة انا عضوة و طالبة تحصلت على البكالوريا شعبة علوم تجريبية بمعدل 14 اختارولي تخصص لغة انجليزية الله يعاونكم و يبارك فيكم حدثوني عليها عن آفاقها من بعد التخرج و اذا دراستها صعيبة ولا و كل المعلومات عن هذا التخصص بليييييييييييييز ربي يعطيكم ما تتمناو راني ما عرفت عليها والو و حاصله و سلاااام
سلاااااام اختي ربي يوفقك انشاء الله انا معندي حتى علاقة بهذي المادة انشاء الله اهل الاختصاص يعاونوك مي حبيت ننصحك انا ثاني ديت باك علمية ب 14 ننصحك ديري تخصص آخر اما مديكال او تعليم و اذا كنت حبيتي هذي المادة ربي يوفقك و يعاونك 
سلام اختي ميرسي على الرد الله يبارك فيك مي انا معدلي 14,34 ماكاش فيه تخصصات ملاح انا درتها الاختيار الثالث ودارولي المدارس العليا في المات و العلوم مي ماقبلونيش المعدل الادنى للمدرة العليا 14,69 و مالقيت ماندير و الميديكال سقسيت عليها قالولي ماكان ماكان و وحلت واش راح ندير اختي الى عندك اصدقائك و لا اقربائك في هذا التخصص سقسيهم ربي يسجيك