وشراكم يا أهل اللمة
حبيت نكتب هذا الموضوع باه نطلب منكم تساعدوني
أنا جبت الباك الحمد لله بمعدل 14.65 ودرت أستاذة إنجليزية في المدرسة العليا ان شاء الله قولولي أسكو مليحة
ولا لا
وثاني حاجة.. منعرف حتى حاجة على الجامعة أصلا حتى كلمة جامعة منعرفش واش معناها هههه
حبيتكم تحكولي كلش المدرسة العليا من ناحية التدريس والاقامات وكل شي
الحاصول ماني فاهمة والو حول الجامعات
وتعيشو متبخلوش عليا بويسك راني نخمم بزاف
وجازاكم الله خيرا
مبرووووووووووووووووووووووووووو وووك يا حنونة مبروووووووووووووووك
اكيد احسنت الاختيار لا علم لدي حول المدارس العليا ونمط التعليم فيها سيفيدونك الرفاق بالتوفيق
|
الله يسلمك حنونتي
مشكوورة ^^
و ثان راني حايرة ما بين استاذة انجليزية في المتوسط ببوزريعة و استاذة انجليزية في الثانوي بالاغواط وينها الأحسن من حيث المدرسة
خاوتي غدوة فترة تأكيد التسجيلات …ماذابيا تفيدوني في أسرع وقت …
|
السلام عليكم أختي اهنئك اولا انا مثلك تماما اخترت المدرسة العليا للأساتذة ببوزريعة وان شاء الله يقبلوني صحيح هناك قوانين صارمة لكن حسب رأي هي مثالية للتكوين يجب ان تعلمي حتى لو قبلوك ستجتازين امتحانا في المعهد ليرو مستواك والكثيرون تم رفضهم في هذا المتحان لأنهم ضعفاء في المادة اتمنى لي ولك التوفيق.بالمناسبة اي معهد ستقصدين؟؟؟موفقة ان شاء الله وثقي بقدراتك ان اردت الاستفسار أكثر فأنا هنا أرسلي لي بالسؤال فقط
|
أنصحك بالثانوي أختي لن تتعبي كثيرا وراتبك سيكون أفضل وتلاميذ المتوسط أكراد على عكس الثانوي فهم كبار
|
و عليكم السلام …شكرا اختي على المعلومات بصح وا شمن معهد انا ماني عارفة والو ….ان شاء الله يقبلونا برك
|
ان شاء الله… بصح انا عطاوهالي في الاغواط …علابيها حبيت نسقسي من حيث المدرسة اسكو بوزريعة أحسن
و مشكووووووووورة مرة أخرى
و مسألة بوزريعة و الاغواط ماعلابالكش؟؟
اسمحيلي كثرت عليك
|
ماتزيديش تعاودي هاذ الهدرة رانا خيات شوفي حنونة ديري حساباتك مليح قبل ماتقرري شوفي الي قريبةليك خير غدوة من ذاك ماتندميش والبعد يعي كاش تستحقي حاجة داركم تكون قريبة خير ولا يكون كاش مناسبة تقدري تروحي وتولي ولا تستحقي دراهم داركم جيهم ساهلة باه يوصلولك في هاذ الدنيا ياختي ماكاش حاجة ساهلة وفي 20جويلية يبان الصح انا من بليدة وبوزريعة قريبة ليا كنت قادرة ندي وهران ولا قسنطينة مي خممت للبعيد…وراني نرجعلك بالخبر حنونة