يا خاوتي كرهت من الباك و قرايتو و ماشاكلو و كككككلش
ولله كررررررهت انا تلميذ متوسط لكني سريع الفهم و المشكل راني نكره القراية
ولله راح نمرض و المشكل في نفس الوقت نحس روحي لازمني هدف و و و و و ننجح
ولله راني محتار و ما عمباليش واش صرالي .. الباك ما بقالوش و انا شعبة علوم تجريبية
المؤهلات تاعي غير فيزياء علوم و شوية رياضيات و راني حاب نجرب نحفض
ولله حاب ننجح بصح عييت و كرهت و الوقت ما بقاش
واش ندير
اما المواد الادبية ابدا احفظ وعاود من ضرك باش في الايامات الاخيرة مع الضغط يعود صعيب الحفظ
اقرا وراجع واتعب بقاولك شهرين تعقب الصيف ونتا متهني وفرحان
خير من يطيحلك المورال وتندم
|
|
والباك انت اعمل الي عليك والباقي على ربي
مالازمش تعمل الباك عدو او غول تخاف منو هكاك تولي تكره القراية
انت الي عليك اقرا بمجهودك او حاول تفهم من صحابك كيفاش ايراجعو مواد الحفظ او هكا ان شاء الله تبشرنا بالنجاح
موفق ان شاء الله
خويا الحاجة اللولة اللي نوصيك بيها لازم تنحي الخوف هدا من بالك خاطر والله يهلكك بزااف
انا تاني مانكدبش اني كيفك في كلش الفرق بيناتنا اني شعبة رياضيات وانا تاني عندي بروبلام في الحفظ مي كون تدير برايي نوض الصباح على 4 تقدر تحفظ بيان لازم تدير الكوراج شوية ولا فالليل تسهر معاهم
والمواد لخرين كيما العربية والفرنسية ……..راجع غير المهم فيها ماترويش روحك وادا احتاجت اي حاجة فيهم اني هنا وبلاك تهملهم
حاول تنظم وقتك وتنحي الخوف عندك هدف في بالك خمم كيفاه توصل ليه ولا حتى تعديه ان شاء الله المهم تحققو وماتخمم في والو غيرو
وربي يوفقك ويوفقنا ان شاء الله
وربي يشرحلك صدرك ويعاونك ان شاء الله
كنت نعرف الي قراو معايا هكا مواد الحفض جاتهم بزااف صعيبة
ايا تفاهمو مع بغض انو يلقاو حل
ولاو يتلقاو في مكان وحدهم و كل واحد يحكم حاجة و يضلو يتناقشو عليها حتى يهموها مليح و الحاجة الي مكانوش يفهموها يديرو عليها قصة باه يشفاو عليها و هكا تعبو مع بعض و كامل نجحو و بمعدل رائع
ملا ان شاء الله لازم تلقا حل لروحك و ان شاء الله رايح تنجح
ربي يوفقك ان شاء الله
اللهم لا سهل إلا ما جعلته سهلا فأنت إن شئت جعلت الصعب سهلا. اللهم إنى اسئلك فهم النبيين و حفظ المرسلين والملائكه المقربين .اللهم اجعل ألسنتنا عامره بذكرك وقلوبنا بخشيتك وأسرارنا بطاعتك يا ارحم الراحمين.
ربى اشرح لي صدرى ويسر لي امرى واحلل عقدة من لسانى يفقهوا قولى ..بسم الله الفتاح اللهم لا سهل إلا ما جعلته سهلا وأنت إن شئت جعلت الصعب سهلا يا ارحم الراحمين.
لا اله إلا أنت سبحانك إنى كنت من الظالمين يا حى يا قيوم برحمتك استغيث إن يمسنى الضر وأنت ارحم الراحمين ..
:
اللهم يا جامع الناس في يوم لا ريب فيه اجمع بيني وبين ضالّتي … والإكثار من الاستغفار.
قبل ما تبدا تحفظ لازم تعرف واش رايح تحفظ وتفهم الفقرة أولا باه يجيلك الحفظ ساهل
كنت نكره الحفظ ولا أطيقه اطلاقا بصح ضرك والفت بيه..فيثي الباك حفظت زوج دروس علوم اسلامية وديت 20 وفي الاجتماعيات حفظت 15 تاريخ وديت 12,5 بصح كنت فاهم شوية.. أنصحك بشيء مهم ، انزع الخوف من قلبك وامضي إلى الأمام ودير الثقة بروحك ورايح يوفقك ربي ان شاء الله