كيف الحال :blush: إن شاء الله بخير
أريد مساعدة في فهم التقريب التا لفي , معادلة المماس , والإشتقااااااااق:cursing:
أرجوا المساعدة إن أمكن
والله اخي كي نفهم نفهمك الله غالب…….
كلكم قريتوها راهي من الدروس الاولى ……………..ما كانش واحد فاهمها
الاشتقاقية: عند استخراج العدد المشتق يعدونا مثلا الدالة f ويقولك مثلا استخرج العدد المشتق او اثبت ان الدالة f قابلة للاشتقاق عند العدد x0 معناه نطبقو القانون الموجود في الصفحة 64 من الكتاب المدرسي عند 2.1 دالة قابلة للاشتقاق عند عدد: وفي هاد القانون نعوض x0 بالقيمة اللي عطاوهالنا انا مثلا نقولك الدالة f هي: x2+2 والعدد x0 هومثلا 2 نعوضو القيمة x0 في المعادلة السابقة الموجودة في الكتاب معناه تصبحلنا:
f(2+h)-f(2)/h
f(2+h معناه في الدالة f نعوض x ب 2+h و f(2 معناه نعوض x ب2
ثم نقوم بعد ذلك بالنشر و التبسيط مع الاختزال في الاخير نتحصل على العبارة التالية
h—0
هاد هو اللي درسناه بخصوص الاشتقاقية وساعطيك قريبا انشاء الله حسب ما فهمت من الاستاذة معادلة المماس
آمل اناكون قد كونت لديك على الاقل القليل من المعلومات وتقبل مروري
جزاك الله كل خير على الافادة
لوكان ما يعطوناش قيمة x0 نحسبو عاديا والنتيجة الاخيرة نخلوها بيها
اذا في النتيجة الاخيرة ما وجدتشh اللي نعوضوها بالصفر هاديك النتيجة اللي وجدتها هي العدد المشتق
اذا طلبو منا الدالة المشتقة نشوفو نوع الدالة f على حساب الجدول الموجود في الكتاب المدرسي ص 74 ونعينو الدالة المشتقة نتاعها ونحسبو عاديا
اما بالنسبة لمعادلة المماس:
مثلا يعطونا الدالة f على سبيل المثال الدالة اللي عطيتهالك سابقا والتي هي x2+2 ويقولولنا عين معادلة المماس لمنحنى الدالة f عند النقطة A مثلا فاصلتها 2
اولا نحسبو العدد المشتق من الدالة f عند العدد 2 واللي وجدناه سابقا هو 4
نعوضو في القانون:
y= f'(x0)(x-x0)+f(x0)
يعني حنا على حساب ما وجدنا f'(x0) هي 4 نعوضوها في المعادلة و عند f(x0 معناه نعوضو 2 في المعادلة الاولى اللي هي x2+2 نتحصلو على النتيجة6 تصبح لنا المعادلة على الشكل التالي:
y=4(x-2)+6
y=4x-8+6
وفي الاخير:
y=4x-2 هذه هي معادلةالمماس
اما بالنسبة للتقريب التآلفي فالاستادة قالتلنا انه اذا طلبو منا تعيين احسن تقريب تآلفي نديرو معادلة المماس بالطريقة اللي فسرتهالك سابقا
تقبل مروري
F=x²+x_2
احسب الدالة F عند العدد المشتق (1-)