واش راكم يا بنات اللمة إن شاء الله تكونوا في أحسن حال
اليوم موضوعي مختلف نوعا ما رايحين نتطرقوا فيه لمواقفنا الطريفة اللي نتعرضولها في مطبخنا و هي كثيرة و ساعات تنتهي بضحكة 
hiny: و ساعات :cra_zy: هههههههه المهم راح نكون أنا أول واحدة تحكي باش تتشجعوا
مرة وأنا نخدم في القاطو و هذا أول عام بعد زواجي و طلبت الروسات من واحدة نعرفها و ربي يسامحها ما عطيتهاليش صحيحة ناقصة الزبدة ما نعرف نست و إلا ad: و القاطو هو قاطو الكبريس يظهرلي تعرفوه عبارة عن حلوة الكابريس و كوكاو و نستلي و زبدة و من فوق يعني الطبقة الثانية شوكولاء و بيستاش و يتقطع مربعات
المهم خويتكم دارت القاطو و خلاتو ساعتين و رجعت باش تقطعه مربعات و ما حبش يتقطع وليت كيف هكدا :cra_zy: و شكون معاي في هذاك اليوم عجوزتي و هي الحق عجوزة ربي يكثر منها الخلق و ربي يرحمها دبرت علي و قاتلي تعرفي كيفاه نعاودو نذوبوه و نكركبوه خير إيه خذيتلها الراي طبعا لأنها عجوزتي و أكبر مني في الخبرة
رحنا ذوبناه و كركبناه و اش جاء في رايكم هههههههههه تيمومات صغار تعرفو التيمومة اللي يتيمموا بيها هكذاك جاء يابس تضربي بيه واحد تدمغيه هههههههههههه و من بعد للأسف راح للساشي تاع القمامة حاشاكم و هذا موقف من مواقفي الطريفة
نستنى مواقفكم عندكم ما تردوش أكيد كل واحدة فيكم عندها مواقف طريفة أدخلي إحكيها ما تحشميش رانا كامل كيف كيف
و في السلام ختام و بانتضار ردودكن عزيزاتي و تقييماتكن هههه
والله غير ضحكتيني من القلب صح يصراو هاد لعفايس و على العموم تجربة اكيد تعلمتي منها
والله يرحم عجوزتك كون جات وكحدة اخرى راهي نشراتك في الجزيرة
انا والله ديما يصراولي من كترتهم ماراني حاكمة حتى وحدة هه تع تحرقت البرمة ولا لصقة القاطوة…..
مي متفكرة حاجة دارتها اختي
خطرة طيبت بويون
غلات الخضرة في الماء و كي طابت الخضرة راحت صفاتها و طيشت المااء ههههه
كي تدخل و تقراها سير تخنقني ليوم ههههه
يعطيك الصحة على فكرة الموضوع
|
أسعدتيني بمرورك
و شكرا لدعوتك بالرحمة على عجوزتي و الله راهي عجوزة ماكاش كيفها ربي يرحمها يا رب
كنت نتعلم نفتل كي كملت فتلت شويه باش نتعلم فرحتي بيه بواف من كثر ما فرحت بيه قولولي واش درتلو هيا
اهبطو شويه
زيدو
زيدو برك
غسلتو تحت العين قبل ما يفور ههههههههههههه
راح الطام مسكين عاد عجينه
|
أم ميسون يعطيك الصح حقيقة ً راكي نورتي الموضوع شكرا لكي
لي عودة انشاء الله
صراتلي قداه من مرة عفايس كيما هكا نحكيلك وحدة
مرة تفرجت في فتافيت اديك دارو واحد القاطو بالاناناس
زعما جربتو وعمرتو سكر المقادير ماحكمتهمش قد قد خرج قاطو تقول بسبوسة ولا نعرف واش هههههه
ولا مرة حطيت مسكوتة ونسيتها جاب ربي فاقت ماما ونحاتها هههههه
|
|
و الحمد لله المسكوتة منعتها ماماك ههههههههه
شكرا لمرورك رانيا و الله راني فرحانة إنه الموضوع عجبكم
والله انا تاني صراولي شحال من مرة مواقف طريفة وكي نتفكر نموت بالضحك …….
بصح اليوم مانحكيلكومش على روحي علاجالي مواقفي بزاف gراف ههههههههههههه
نحكيلكم على صديقة اختي الروح بالروح ـــــــــــــ بالمناسبة ماعندهاش اسبوع ولدت وجابت ولد اسمو * مصعب*
ربي يحفظو
ايا نولي للموضوع …………….
في اول شهور زواجها قررت تطيب للزوج الكريم * شوربة * وكان الحال ــــــــــ طيبت الشوربة وهي تطيب
واش اتجي في بالكم دارت داخلها
/
/
/
/
/
/
علابالي ماتتصوروهاش …….
السيدة الكريمة دارت بيضة تتشرشم داخل الشوربة
ههههههههه في حياتي ماسمعت بيها
ولما جا الزوج الكريم يتذوق الطبق *//*//*/*/*//
وجد البيضة منفجرة داخل الشوربة
ومن الخجل مسكييييييييييين كلاها وسكت
وهي هههههههههه مانهدرش خير
ايا سلاااااااااام نتمنى ماقلقتكمش بالحكاية الطوييييييييييييلة ههههههه
واسمحولي..