يرحم والديكم فهموني .؟ 2024.

السلام عليكم
حبيت نسقسيكم واتمنى انكم تجاوبوني يا شطار:
علاه الكتان–قماش– كي نحطوه في الماء يشرب:يعني اذا كانت القندورة طويلة تشرب تصبح قصيرة واذا كانت عريضة تصبح رقيقة؟

فهموني ربي يعيشكم عييت نلقى حل للمشكلة المستعصية هاذي. وشكرا مسبقا.

خطراكش الكتان عطشان و الله ما ادري

الله اعلم اختي

شكرا كثييير على آرائكم.
شرفتوني بمروركم.

السلام عليكم
اختي العزيزة
هاد لقماش راه عندو اسم معين
سمعت مرة خياطة تحكي عليه
و في الحقيقة لازم قبل ما يتخيط يتغسل
و كي تولي تشري …… راهو يجي باين ……
من شكلو و من الملمس نتاعو …..
تحسي الخيوط متباعدة على بعضها بعض….
النسيج نتاع لخيوط يولو باينين معناها هاداك هو …..

الكتان اللي راكي تحكي اعليه طبيعته مجعد يعني كيما الشعر كي اتديريلو السيشوار يكون اطويل و كي تغسليه يولي اقصير يعني يتجعد و الكتان كذالك عند الغسل ايولي قصير و هدي هي طبيعته و في الحقيقة لازم من قبل ما يتخيط يديروه في الماء حتى يشرب و يولي لطبيعتو امباعد ايخيطوه و احنى ملوروزمو ايخيطوه مباشرة والشي اللي رجع الكتان طويل كيما راكي اتقولي هي العوامل اللي جاز اعليهم عند الصنع و نتمنى اني فهمتك و وصلتلك المعلومة كيما يلزم

يعطيك الصحة اختي.اول مرة نفهم مليح.
شكرا على مرورك.شرفتوني.