واش ماتحتاجيش في جهازك ؟ 2024.

انا تصديرتي من يوم العرس مازادتش جات لحمي غير جبة قبايل ولاغوب سواري لي لبستهم اما الباقي والو
الفرقاني ال****و جبة سطايفية جبة وهران قويط المنصورية كلهم غير ستفادو منهم الناس كانو يتصدرو بيهم ويرجعوهملي حى لي كرهت منهم ومديتهم
نصيحتي للمخطوبة تكري ةلا اذا لقات تسلف احسن من لي تشريهم

اهلا،، ايه التصديرة غير خسارة الدراهم،، للي راح تصدر تحاول تكري ولا تسلف وتدير غير حاجة ولا 2 نتاعها،، واللي مهيش راح تتصدر تدير غير 2 حوايج ولا 3، باسكو قادرة بعد الزواج يخرجو ديمودال باهيين ولا تزيد في الوزن وتحصل فيهم،

حاجة اخرى ثاني ليكوفرلي هاذوك الباهيين والمزركشيين، وصاوني بزااف قالوليلي متكثريش باسكو تديريهم ونتي عروسة ومن بعد تطيشي عليك،
كي نتفكر نزيد نرجع،

نزيد على واش قالو لبنات
انا شريت الزور ولي كوات الثقال الباهيين ..وداري سخونة كون نتغطى بيهم نعرق هههه والله من الجهاز راهم كيما راهم
وتاع التفريشة اللولة بيضا شريتها خفيفة وثاني مافيهاش السماسم والتزرقيط غير هي لي مانبدلهاش
اشروا حاجة سامبل تدووم وتكون مريحة ومايغركمش المودال

وماتكثرو من حتى حاجة روايح ولا لي نويزات ولا تصديرة ولا قنادر دار ولا …………
تكرهو منهم برك وتاكلهم الخزانة ..كل عام اشري حويجات جدد وصدقي القديم كان بقى مليح

وعليكم السلام تاع خساير خلاص التصديرة
شكرا سيرينو على النصيحة الطيبة

• اقتباس المشاركة الأصلية كتبت بواسطة هــــيلدا اهلا،، ايه التصديرة غير خسارة الدراهم،، للي راح تصدر تحاول تكري ولا تسلف وتدير غير حاجة ولا 2 نتاعها،، واللي مهيش راح تتصدر تدير غير 2 حوايج ولا 3، باسكو قادرة بعد الزواج يخرجو ديمودال باهيين ولا تزيد في الوزن وتحصل فيهم، حاجة اخرى ثاني ليكوفرلي هاذوك الباهيين والمزركشيين، وصاوني بزااف قالوليلي متكثريش باسكو تديريهم ونتي عروسة ومن بعد تطيشي عليك، كي نتفكر نزيد نرجع،

شوفو شكون نور ركن العرائس
هههه يقولو باتنة باردة سير عليها كثرتي منهم
صح كي تعود الدار سخونة تغطي بحاجة ياسر

الكوسميتيك تاني يقدام ويفسد
قاتلكم ام ندى كل حاجة ديروها قد ماتحتاجو وماتكثروش راهي ترشى وخلاه
بارك الله فيك