السلام عليكم و رحمة الله و بركاته
شكون ما يعرفش الـ*****
زمان كانت موجودة في أغلب البيوت الجزائرية و لها عدة إستعلامات..
للشراء .. لتذويق العائلة و الجيران و الاحباب من ملح الدار
أغلب ما كان يشترى فيها:
اللبــــــــــــــن
الفـــــــــــول
الحمـــــــص
في الذواقة:
الطعــــام
الحســــوة
حاليا الـ***** أخذ مكانها الكيس البلاستيكي في الشراء
و أصبحت قليلة الاستعمال.
وش تسمو عندكم الـ******* مع ذكر الولاية
مزلتو تستعملو فيها..؟
وش تشرو فيها أكثر شيئ..؟
وش دوقو فيها أحبابكم أكتر شيئ..؟
صوريلنا الـ ****** 
أطيب المنى وأجمل التحايا
حنا في العاصمة نسموها // القزديرة// و يضحكو عليا كنسميها هكداك
بصح بقيت محافظة على التسمية و التقاليد العاصمية
نشرو فيها أكتر شيئ اللبن و للدواقة الطعام و الشخشوخة و الحسوة
للدواقة مزلنا نستعملو فيها و في شراء اللبن يأخذ أحيانا مكانها الكيس البلاستيكي.
حنا في وهران نقوللها القبيبة ومازلنا نستعلوها نديرو فيها لي سوب ولا بركوكس انا شخصيا مازلني نجيبها معايا للخدمة نحط فيها ماكلتي ونحمي ديراكت فيها عملية بزاف ونفعتني دك نصورلك قبيبتي صغيرة
وشكرا على الموضوع
صباح النور نرجس
إضافة جيدة دكرتيني بيها غابت علي
فعلا القزديرة ترافق الموظفين في عملهم و الفلاحين في مزارعهم 
شكرا لك.
ولازلنا نستعملوها نرسلوا فيها العيش والحريرة والشربة ومرقة الطعام ولا كاش جواز
اما اللبن فغني عن التعريف
البارح برك جاني فيها العيش حامي وحار يمممممممممممممممم
هههههههههههههSIZE]
ايييه يا حصرااااا احنا منعرف تعنا وين راحت
|
صباح الانوار سمورة
سبحان الله السطلة عندنا تسمية لشيئ أخر
نورتي حبيبتي
|
بصحتك العيش …و شكرا على المشاركة الطيبة
|
لالا لازم تحوسي عليها و ترديلها الاعتبار 