واش راكم خاوتي لاباس بخير الحمد لله
هذي نصائح قد تكون مفيدة للناس ألي راح تفوت امتحان الباكلوريا
نصائح من تجربتي وخبرتي في المجال الدراسي …
الواحد اليوم يدير ملخص خفيف للمادة الي راح يبدا بيها خاصة اذا كانت مادة حفظ (ماعلاباليش بواش راح تبداو)
أيا ادير ملخص خفيف في زوج اوراق فيه العنواين الرئيسية والمهمة فقط وتلوحها معاك في الجيب
طبعا تنوض شويا بكري تفطر تراجع شويا مراجعة عامة خفيفة ثم تتوكل على الله سبحانو وتروح وين راح تفوت الإمتحان
حاول توصل بنص ساعة قبل
كي توصل ولا توصلي اجبدي بعيدة شويا على الغاشي والفوضى لأن ذلك قادر يسبب شويا خوف وتوتر وهذا امر طبيعي
ايا بعد شويا على الغاشي واجبد الملخص تاعك راجعو مليح وانتا مرتاح …
ايا كي تبقى 10 دقائق ولا قل ادخل للقسم تاعك واقعد في بلاصتك واقرى شويا قران اشيء الي تحفظو
لأن القران يثبت النفوس ويرتحها
طبعا كاين خوف خفيف ولكن خوف فطري، تلقى رجليك شويا يترعدو هههه مي ماعليهش
وحاول تخلي التركيز تاعك وماتعيش لحتى واحد ولا لحتى وحدة احكم بلاصتك وكاملي روحك
ايا كي يوزعو الأسئلة وتحكم السيجي تاعك قلبو وماتقراهش
اقرى سورة الفاتحة ونظم روحك مليح ونظم القعدة تاعك وقلب السيجي وابدا من بسم الله اللولة واقراى قراءة عابرة تشوف واش جاكم ، من بعد ابدا بالتمرين اللول وركز مليح واحد ربع ساعة خلاص يتنحى الخوف لخفيف هذاك …
ايا جاوب كيما تعرف وركز مليح وحخاول تجاوب على كلش لقط النقاط كامل
وواش ماقدرتش ولا نسيت ماتهابش عاود ركز مليح مليح بربي ان شاء الله تتذكرو
اقفل الوقت تاعك وواحد ما يزربك …
ايا كي تخرج وتكمل اخرج ديراكت روح تروح وماتسمع لحتى واحد ولا تتناقش مع حتى واحد
خلاص فوت المادة مثلا العربية خلاص فوتها وماتبقاش فيها ولا تبقى قدام الليسي تحكي وتناقش وواش درت وواش مادرتش
قادر يطيحولك المورال وقادر وقادر هوما غالطين
المهم فوت كلش وروح تروح اتغدى وراك عارف زيد راجع وهكذا روح لليسي لعشية ووو كي العادة
المهم واش ننصحك ماتحكي مع حتى واحد ولا ترجع للورا الي فات فات
وربي نجحكم كامل
الملاحظة:
هاذا واش قدرت نقول ونوصل بإختصار شديد
أسال الله العلي العظيم النجاح لكم وان شاء الله تفرحونا وتتنور اللمة بيكم
اخوكم سفيان …
ان شاء الله كامل ينجحو ويفرحو والديهم
حنا عندنا زوج رايحين يعقبو ان شاء الله نوصلهم الموضوع
دعواتك ليهم بالنجاح
مشكووور
|
مشكور أخ سفيان ,, ربي يخليكـ لينا وتوجهنا بنصائحكـ القيمة
ربي يحفظكـ ان شاء الله
|
وربي نجحهم كامل
بلغيلهم سلامي هههه
ayi habsou la revision bech mokhkom yroposè w wejdou les affaires bekri pour ne pa perturbè w la veille bu bac na3sou bekri w fiko bekri w mchiw bekri au sentre d examen pour evitè le retard w min yjiw ya3tiwkom les kopi matakrawch heta yemchilkom hadek le strese ha 5 min w kraw 2 fois ou plus pour b1 compri le texe w kamlou waatkom mechi ki tchoufo les autes kharjou ntoma tani tekhrojo la hta tkemel waatek et il faut mètre confience en soi finalement j vous souhaite la reussite au bac w nchlah nediw l bac kamen w naolkom matestrèsiwch et bn chance by.مشكووور
نصايحك قمة كيما يقول القدافي ههههه
و الله لك جزيل الشكر
ربي يخليك سفيان
hiny:
تبسيمة ….و ربي ينجحنا
و يوفقك خويا
يعطيك الصحة
وربي يوفق جميع الممتحنين ان شاء الله
وربي يكون معاهم
توكلو على الله
وان شاء الله مايكون غير الخير
ربي يجازيك اخي