نصيحه لوجه الله يا معشر الشباب.. إذا تقدمت لخطبة فتاه من أهم الأشياء اللي لا زم تتأكد منها بعد الخلق والدين
انها تكون تعرف تطبخ..
وماتتنازلش على هاذ الشئ لأنك فالبدايه تكون متحمس وتفكيرك كله يدور حول الزين والمظهر الخارجي بعدها تكتشف سلبيات هذا الشئ وتنصدم
لانو في بداية الزواج اصلا مايكونش عندها وقت تتعلم الطبخ وانت ماراحش تعيش على المطاعم وهنا تكون قنبله موقوته تنفجر في لحظة جوووووووع
والله عيب لما الرجل يجي يخطب البنت ويقولوا له اهلها راها ماتعرفش تطبخ
هكا ولا بحجه اخرى سببها الحقيقي متعرفش تطبخ
يعني ولات عشرين سنه او اكثر عندكم. ماعلمتوهاش الطبخ .. تستناو وتستناي حتى يجي هو يعلمك الطبخ ..؟؟
………………..
وفي الختام ..
وقفة إجلال وإكبار.. وتحية احترام و إعجاب..
للبنات الفحلات اللي قبل ماتتخطب وهي فحله بكل ماتحمله هذه الكلمه من معنى..
والشكر موصول لوالدتها إذا كان لها دور في ذلك
وهذه التحيه محض اعتراف انو ماشي كل البنات كما ذكر سابقآ لكن في الغالب هكا..
ونتوما يالبنات كل وحده دير في بالها مقارنه وتمرر أسامي زميلاتها اللي أعمارهم من 17 سنه إلى 27 ومزال ماتزوجوا وتشوف كم وحده منهم تعرف تطبخ..
وبيانسور مشي تقلي بيضه وتجي تجري تكون فحله صح
وبغيت من كل وحده من البنات اللي فالمنتدى تقولنا بكل صراحه وبعيدا عن المثاليه اسكو تعرف تطبخ ولا لا..؟؟
باه نشوفو هاذ الهدره صحيح أنها ظاهره منتشره أم مجرد كلام مبالغ فيه..؟؟ وصحيتو … سلالام
بارككي المولى
اختي انا الوحيدة عند امي
دخلتني المطبخ على سبع سنوات
كما علمتني الصلات على سبعة سنوات
كنت ديما نقعد و نبكي و نقول امي ضلمتني
وعلاش مخلتنيش نعيش حياتي زي البنات نلعب و نتمسخر
جت عليا 15 سنة كاملة جاملة انا مولات الدار ماشي هي
تحرقت ياسر و تبخصت ياسر
ضرك 20 سنة
كي تخطبت ماشي من مدة طويلة
سقسو اهل العريس
بشرى تعرف طيب؟
جاوبت امي و الابتسامة على وجهها
قاتليهم سبحان الله في عمرها 20 سنة و مطيبش؟
نهار اذاك عرفة صح امي وعلاش دخلتني للمطبخ بكري
يعطيها الصحة
طلعت مرا فحلة ربي يخليهالي
نعرف نطيب ولله الحمد والفضل يرجع للوالدة ربي يحفظها ويطولي في عمرها
لكن دايما نقول مهما نعرف نطيب مازال نزيد نتعلم اكتر واكتر.ربي يكون فالعون.
مشكـــــــــــــــــــــــــــ ــــــــــورة
|
ايه صح يماك عندها الحق ربي يحفظهالك ويكثر الامهات اللي كيفها صحيتي على مرورك حبيبتي … سلالام
|
صح مهما تقولي نعرف مزال ربي يحفظلك الوالده مارسي ختي … سلالام
|
شكرا على المرور … سلالام
العجين بصح الحلويات ماشي شاطرة فيهم …
شكرا على الموضوع