ان شاء الله تكونو كآمل بألف خير
اليوم جبتلكم وصفة ميني تآرت ولآ بآتيسري ولآ قآطو
كمآ تحبو تسموهآ سموهــآ 
كنت رآيحة نحطهآ في موضوع معين وبعدمآ تآنولآآت الحكآية كلهآ على بعضهآ
قررت اليوم نحطهآ هنــآ ، خآصة انهآ خفيفة ، سآهلة ومقآديرهآ بسيطة جدآ
والأهم انهــآ بنينـــة 
الوصفة جبتهآ من موقع آخر لسيدة اسمهآ أم رآمي جزآهآ الله ألف خير
فعلآآ جآت هآيلة ومن أول تطبيق 
المقآدير :
ـ 4 بيضآت مفصول البيآض عن الصفآر
ـ نصف كأس سكر عآدي
ـ 4 ملآعق كبيرة زيت
ـ كأس الآ ربع فرينة ونشآ مخلطين
ـ قبضة بركـ تآع لآلوفير
للتزيين :
ـ مربى على ذوقك انآ استعملت تآع المشمش
مع شويا عصير البرتقآل
ـ كريمة شآنتي
طريقة التحضير :
نضربو بيآض 4 بيضآت هدوكـ مع نصف كمية السكر
حتى نتحصلو على ميرآنغ
ثم نضربو الصفآر مع النصف البآقي من السكر مليح حتى يبيض
ونزيدو الزيت ونضربو مليح
أضيفيالميرآنغ الي طلعنآهآ من قبل للخليط
وخلطي غير بلعقل من فوق لتحت حتى يدخل في بعضه مليح
بعدهآ نضيفو الفرينة والنشآ المخلوطين مع بعض ومآننسآوش لآلوفير
بالتدريج على 4 مرآحل ، يعني حطي وخلطي حتى تخلصي الكمية
وتتحصلي على خليط كمآ الي فالصورة :
ادهني صينية فرن (هي استعملت 30 على 34 سم وانآ استعملت تاع الفرن بعده
جآت كبيرة عليهآ شويآ بركـ ) بالمرغرين ورشيها بالفرينة ثم انفضي الفرينة الفائضة
اسكبي الخليط ومباشرة للفرن المسخن مسبقا على درجة حرارة 180
بعدمآ ينضج قطعيه وهو فالصينية بالطآبع تآع لي صآبلي الكبير
والفتآت الي يقعد رجعيه للفرن يزيد يحمر شويآ وامبعد نحيه وارحيه
ـ كي ترحيه كون تخليه خشين شوي كمآ تاع الكآوكآو خير يجي بآهي
مش كمآ انآ صح درتو فالروبو ايجي انتي وقوليلي حبسي حتى نحيتله جده ـ
بعدهآ شربي كآمل القطع بالمربى المخفف بعصير البرتقآل
ولصقي كل زوج بكريمة شآنتي
ـ اسمحولي هنآ تلهي ونسيت مصورتش حتى صورت كي لصقت وخلصت 
ـ
بعدهآ ادهني الحوآف بالشانتي ومرريهآ فالفتآت المرحي من قبل
والتزيين زينيهآ من فوق بالشآنتي وفالوسط مربى
والنتيــجة تيرآرآآآآن
ان شاء الله تكون عجبتكم الوصفة كمآ عجبتني وعجبت كآمل العآئلة 
جربوهآ والله مآرآيحين تندمو مآتدي لآ مقادير لآ وقت سآهلة مآهلة
ملآحظة فقط :
انآ هك جآوني وحد 10 حبآت والي تحب أكثر تدوبلي ولآ تثريبلي
المقآدير كل وحده وعلى حسآب عآئلتهآ
في أمآن الله 
و شغلك مرتب
بارك الله فيك اختي
ان شاء الله نجربها
من شكلها تبان بنينة
خرجتلك رووووعة
يعطيك الصحة على الميني تــآرت
بصحتك
نورتوني بردودكن ^^
ودوك اليدين وآآش جآبوا
هـــــــآ العمر شهيتيني فيهم والله
يعطيك الصحة الحب
كي نهنى في رآسي نسييه ونردلك الخبر ان شاء الله
بصحآآتكم عمري
|
وعلآش تتشهآي حقكـ مخبي من دآكـ العآم خخخ
مآتخآقيش مآتقرآصش
ان شاء الله حبوبتي ، ربي يوفقكـ
ميرسي على مروركـ ، ـ يآآآو ثوحسثــك يآعثل أنتي
وصفة هاااااايلة يعطيك الصحة
مشكوووووورة
تسلم الأيادي يميميم يعطيك الصحة يافنانة