2 حبات كبار برتقال+1 م /ك نشاء+2 حبات بيض+100غ شانتي +كاس حليب+2الى 3 ملاعق سكر حسب الرغبة في حلاوة الموس
التحضير
نعصر البرتقال ونفصل صفار البيض عن البياض
البياض نطلوع مليح مع ملعقة سكرورشة ملح
الشانتي نطلعوها مليح ونخلوها بجيه
ناخذ الصفار+النشاء+عصير البرتقال+السكر كيما قلت حسب الحلاة لي نحبوها نخلط الكل جيدا ونحطوها على نار متوسطة الى ان تصبح كريمة خاثرة نطفو عليها النار ونخلوها حتى تبرد مليح لازم تبرد نغطوها ببلاستيك
هنا عندنا 3 مقادير البياض طالع مليح والشانتي وخليط الصفار
نبداو نضيفو بالتناوب بياض وشانتي الى الكريمة لي عندنا حتى نكملو الشانتي ما نديروهاش كامل تبقالنا شوية يمكن نزينو بيها
انا في الحقيقة خليتها نزين بيها لقيت ريتاج قامت بيها ههههههههههههههه كلاتها
والصور توضح
هنا كي خلطت ولازم نخلو بلعقل من لتحت للفوق باش ما نكسروش بياض البيض
نحطوهم في اكواب التقديم ونزين كيما قلت بالشانتي انا كلاوها زينت برك بقشور البرتقال
ان شاء الله يعجبكم
موس هايل
تسلم ايدك نعيمة جاك هايل
خسارة ماعنديش الملتزمات والله نوض نديرها ضرك ساهلة وماتاخذش وقت
نوعدك نجربها
راني هزيت كاس معليش
تنقل لركن المشروبات والتحليات الحصرية
|
بصحتك حنونة ان شاء الله نشوفو تطبقك
ممممممم راهي تبان بنينة
ننتظر تالقك
فريال