السلام عليكم ارجوا من الذين يعرفون كيفية صنع المقروط افادتي بها عام سعيد لجميع اعضاء وزوار منتدى اللمة الجزائرية وشكـــــــــــــــــــــــــرا .
إليكي طريقة صنع المقروط
المقادير :
العجينة:
-
4 كيلات سميد خاص بالمقروط
-
1 كيلة سمن+ماغرين
-
ملعقة صغيرة ملح
-
و ماء الزهر
-
3 كيلات صغار لوز
-
1 كيلة سكر ماشي كاملة
-
شوية قرفة
-
ماء الزهر
زيت
و للتعسال:
عسل + فنجان صغير ماء الزهر
طريقة التحضير:
حطي السميد في الجفنة و كبي فوقو السمن و المارغرين + ملح
و خدميهم مليح حتى وين يدخل السمن و المارغرين مع السميد
و رشي كل العجينة بالماء الزهر
خلي العجينة ترتاح لمدة 15 دقيقة
و من بعد شمخي شوية شوية العجينة تاعك حتى تتلم ما تكون مشمخة بزاف ما تكون يابسة تتشقق
و شكلي حربوش و ديري في وسطو الحشو و اغلقيه مليح باش ما يخرجش الحشو
و من بعد قطعيها مقروطات
و سخني الزيت مليح و حطي الحبات تع المقروط يطيبو على نار متوسطة و لازم المقروط يكون مغطي كامل بالزيت
و كي يطيب عسليه مباشرة بعد ما تخرجيه من الزيت
و قدميه كي يبرد ف لي كيسات
و إن شاء الله نكون أفدتك يا أختي
ملاحظة:هاد الطريقة سقسيت الوالدة تاعي ربي يحفظها عليها و كتبتهالك
أتمنى لك الفائدة
و إن شاء الله كي تجربيها رديلي بالخبر
تقبلي تحياتي و مروري
أختك نبضة قلب
*1كيلوغرام سميد
*500غرام عجينة تمر(تمر مبخر منزوع نواته)
*زلافتان(كأسان كبيران) زبدة مذابة
*250مسحوق لوز (غير ضروري ؛ إضافي فقط)
*1/2ملعقة قهوة قرفة
*1/2ملعقة جوزة الطيب
*حوالي 750ميليلترإلى 1لتر ماء حسب نوعية السميد
*قليل من ماء الزهر
* زيت للقلي
*عسل (ليغمس فيه المقروط بعد قليه)
:
يضاف الماء وماء الزهر ويعجن الكل جيدا
تخلط عجينة التمر مع مسحوق اللوز وملعقتين من الزبدة وتصنع منها قضبان طويلة
يصنع من العجين ايضا قضبان يحفر وسطها لتسع قضبان التمر .
توضع القضبان بداخلها ثم تغلق وتبسط قليلا .
تقطع على شكل مستطيلات متوازية و يمكن تزيينها بنقوش بمرشم خاص بذلك.
تترك لتجف قليلا ثم تقلى بعد الزيت.
بعد إخراج حبات المقروط توضع في وعاء به عسل ليغمرها العسل و تؤكل باردة.
المقادير : 2 كيلات دقيق خشن قليلا ، 1 كيلة فرينة ، كيلة سمن ذائب ، ملعقة فاني ، 2 ملاعق سكر ناعم
نصف ملعقة ملح ، حليب سائل
الحشو : كيلوا تمر ، ملعقة كبيرة جلجلان محمص ، نصف ملعقة قرفة ، ملعقة ماء الزهر ، ملعقة زيت و نخلط الكل مع بعض
التحضير : نجمع كل مقادير العجينة مع بعض ماعدا الحليب ، بحيث نأخذ جزء من العجينة و نضع لها القليل من الخليب حتى تجمل ثم نضعها على شكل حربوش و نضع حربوش من التمر في الوسط ونغلق جيدا ثم نقطعها على شكل مقروطات و ننقشها بالنقاش و ضعها في الفور و بعد النضج نضعها في العسل
|
شكرا على الوصفة
هل هي مجربة وخاصة انها بالحليب