من يعاني من الفلسفة مثلي 2024.

و الله انا تاني كنت مثلك تماما لكن حبيت نحسن روحي فيها وعدت ندير مقال ونشوف التصحيح و مع الوقت ان شاء الله رايحة نتحسن . انصحك اولا تحاولي تحبي المادة او على الاقل انظري اليها على انها نقاط انت تحتاجيها في الباك اجباري تمتحني فيها ولأجل مصلحتك اقرايها و حاولي تبذلي فيها بعض المجهودات مثلا اشري anale في الفلسفة عاوني بيه روحك شوفي سؤال المقال المطلوب وحاولي تتبعي الطريقة حسب نوع المقال المطلوب مثلا استقصاء بالوضع او المقارنة….الخ واضيفي بعض الاقوال التي لها علاقة بموضوعك حتى تتعودي ..اتمنى اني افدتك ولو قليلا حنا ما درناش فرض ربي يستر ..وان شاء الله ننجحو كامل في الباك.

السلام عليك
نعقل على روحي اول مقالة خدمتها ديت 12 و كانت اصعب مقالة و انا لوحيدة لي ديت فوق المعدل حتى الاستاذ شك فيا ( الله يسامحه ههه)
شوفي ساعدني بزاف الكتاب المدرسي كاين لي ميهتمش بيه مي و الله بيه قدرت نفهم و قدرت نركب الالفاظ الفلسفية اي المقالة تحتاج لأسلوب فلسفي مش أدبي و كذلك كتاب سموه الكافي يجي اسود و فيه مجموعة من الفلاسفة
لازم تحبي المادة + تفهميها + تحفظيها
و لازم التركيز ، كاين لي يحطها مادة سهلة و عادية مي والله كي رحت للجامعة و اختصيت فيها لقيت من اصعب الشعب و التخصصات وصلنا حتى قرينا بيولوجيا و قرينا مادة يقروها في الطب و غيرها
و على المقالة كل مقالة و طريقة الحل
قوليلي برك كيفاش مفهمتيش و انا نساعد اختي مكان حتى مشكل وربي يوفقك

يعطيك الصحة أختي لعزيزة ربك يحفظك و ينجحك
أنا نحب مادة الفلسفة و بحثت فالأنترنت على مراجع لقيت و قريتهم لكن المشكلة في المقالة كيفاش نكتب مقالة بتعبير فلسفي ؟؟؟؟
أول مقالة كتبتها ديت عليها 9 أما الفرض ديت عليه 13
و شكرااا جزيلا على اهتمامك

يا أختي لعزيزة راكي وحدك عرفت ما بيا (الالفاظ الفلسفية اي المقالة تحتاج لأسلوب فلسفي مش أدبي)
هادا هو المشكل أنا عندي مشكل فلسفي ههههههههههه
أنا راني نحب المادة والفهم شوية شوية و الحفظ نقدرلو المشكل لكبيييير فالفهم خاصة المنطق الصوري حتى الآن مازال معرفتش كيفاش نكتب مقالة حول المنطق
و يخصوني تان الأفكار (الأفكار الفلسفية) باش نعمر المقالة و نتوسع فيها مليح
و شكرا و ربي يجازيك ربي يحفظلك ما سعيت ان شاء الله

هادو زوج مقالات كتبتهم إلا تقدري تقيميني شحال ندي فيهم أختي منيني الله يحفظك

تم تعديل الصور ،،

عليك بقراءة مقالات محلولة للفلسفة كي تتعلمي المصطلحات الفلسفية وطرق المعالجة
قراءة مقالات محلولة من شأنه تزويدك بمعلومت كثيرة ووكل ماوجدتي مصطلح فلسلفي ضعي تحته خط
حتى يبقى عالق في ذهنك

حاولي وأنتي تكتبين المقالة أن تجدي الحجة بالمنطق طبعا بدون أن تنسي الحجج التي درستيها من خلال الدروس
وانتي تكتبي المقالة حاولي أن تقنعي القارىء هاذي أول شي تحطيه في يبالك ونتي تكتبي
يجب أن لا يخرج من مقالتك وهو غير مقتنع
والحجة كما قلت اجمعي فيها كل الحجج المنطقية لي فكرتي بيها والحجج لي درستها
موفقة ان شاءلله

وان شاءلله تفيدك الاخت منيني كثر

انا وحدة من الناس ماني فاهمة والو يدخل الايتاذ يشرحلنا زوج كلمات ويخرج وهادي السمانة عندي فرض مانعرف كيفاه لراح ندير