مقرود الكوشة من مطبخي ومن صنعي 2024.

المقرود
3 كيلات سميد متوسط
كيلة سمن و كاس زيت
2 قرصات ملح
ماء وماء الزهر

أول شي نجيبو قصعة العود (نتاع خشب )
نحط السميد والسمن والزيت ونرملوه بيدينا نصابليوه

ومنبعد في جيهة نحوط الملح ونذوبو في شويا ماء الزهر ونبدا نلم في العجين منبعد نزيد الماء كي نشوفوها لمت روحها نخلوه يرتاح مدة 15 دقيقة ملازمش طول باش متترنخش الحبة ويقعد مبسس

نروحو لعجينة التمر نقوه ونديرلو القرفة وشويا زيت ونعجنوه بلماء باش يجي في المقرود أو المقروط طري وماشي يابس ويعلوg و نزديلو السمسم لجلجلانية

منبعد نجيبو العجينة نديروها حربوش نفتحوها ونحطو لعجين نتاع التمر ونغلقو ونزيد ندوروها حتان يولي طولها مناسب

نجيبو طابع ونقطعوها الي مقرودات صغار و في لمول نسنيوهم قدام بعضاهم منفرقوهمش كي يطيبو ويولو ذهبيين نخرجوهم يبردو ويتعسلو ويتقدمو