الوصفة هذه طبقتها من اخت وللامانة والله صلحتلي من اول تجربة واعتمدتها والحمد لله والشكر لصاحبتها الاصلية
المقادير
2 كاس ونصف فرينة
نص كاس زبدة او مرغرين ذايبة
قرصة ملح
ماء الزهر
نحتاج ايضا
للمايزينة
عسل
جلجلان
الطريقة
نبسس الفرينة جيدا بزبدة المذوبة ثم نلمها بماء الزهر +ماء حتى نتحصل على عجينة طرية نتركها مدة 15 دقيقة ترتاح ونغطيها ببلاستيك
ثم نحلها بنشاء قدر مانستطيع نرققها
ثم نشكل حربوش (ندور العجينة من لول حتى الاخير) مع رش النشاء
ثم تقطع بهذا الشكل قيس اصبع تاع اليد
ثم نحط دائرة مقابلة ليك والطرف الزايد هذاك دوريه خلف الحبة باش متتحلش اثناء القلي
ثم نضغط بالاصابع قليلا على الحبة
ثم نحل بالحلال اذا اردنا هذا الشكل نبدا نحل من الوسط تاع الحبة نضغط بلحلال من الوسط للاعلى ثم من الوسط للاسفل
اما الشكل الدائري فتخدمي بطريقة الرخساس يعني تحلي بلحلال العرض ثم الطول
ثم نكمل كل العجينة تاعي وكل مانخدم نحط في علبة بلاستيكية باش ماتيبسش وتتقطعلك اثناء القلي
المهم نقلي كامل المقرقشات تاعي وكلما نحط حبة في المقلةنكب فوقها الزيت باش تتورق
ونقطرها في كسكاس مليح من الزيت انا نغطيها ونتركها ليلة كاملة تقطر من الزيت
هذه الكميه تقطع هذو
وهذو هوما واجدين بعد ماتعسلو
نصائح لنجاح الحنيفيات
العسل لازم يكون ثقيل شوي لانولو يكون خفيف راح تترخف وماتجيش مقرمشة
الزيت لازم يكون غزير والنار متوسطة لانو لو تقوي النار راح يجيك اللون مايل للبني الداكن ومن الداخل يكونو عجين
المايزينة لازم تكون نوعية مليحة انا نفضل تاع الميزان لانها هي لي تخليها تجي مورقة مليح انا ليوم النشاء لي لقيته عند ماما ماعجبنيش ماورقهاليش كيما متعودة لاحظو الصورتين
الحنيفيات تبقى في علبة مغلقة لمدة شهر
ارجو نكون وفقت في الشرح واكرر شكري لصاحبة الوصفة الاصلية جعلها الله في ميزان حسناتك
يعطيك الصحة فوفة على الوصفة تعبت معايا اليوم اسمحيلي
احلى تقييم
يعطيك الصحة حبيبتي + تقييم
ربي يحفففففظك جاري الاحتفاظز بالوصفة و التطبييق في اقرب وقت ان شاء الله
|
شكرا للمرور الطيب
|
شكرا للمرور الطيب الله يسلمك
|
الله يسلمك ياسمينو ماكان حتى تعب الله يخليك حبيبتي
|
والله انت الهااااااااااااااااااااااااايل ة مريومة الله يسلمك وراني نستنى تطبيقك حبيبتي الغالية
وبصحتكم خرجلك هايل
راهم يبانوا يششهوا