واش راكم
توحشت الطبخ و الكوزينة 
مي معندناش الفيد هههه في حياتنا
اليوم قتلني الفيد خممت ندير مسكوتشة
خممت شوية نبدل الطريقة 
و في الاخير قابلوني غير ليمول تاع قاطو الصبلي
خفت لا يجوني هكذا 
مي الحمد لله جوني 
بالصحة و الهناء 
يعطيك الصحة
|
الله يخليك
عنيك الحلوة تشوف فيه حلوو
ممكن تعطينا الوصفة جزاك الله خيرا
|
راكي انتي الي تسخفي يا عسل
جربيها و رديلي لخبر تجييك هايللللللللللة
|
اوك ختيتو
شوفي حكمت المول دهنتو بشوية كراميل
على قد المول
ديرت وحدة مسكوتشة المقادير كانت هكذا
المقادير
4 عضمات
فنجان زيت باه تجيك خفيفة
كاس سكر
نص كاس حليب
لفاني
زاست تاع القارص
خميرة نوارة متكثريش نص ساشية برك
شيحي نص فرينة و نص نشاء
انا درت 2 باطات ياغورت فرويتي فراز تجي بنينة اممممم هيالة وش نقلك على جال الطعم
عمرت ليمول هذيك تاع الصبلي
متعمريش مليح برسكو يطلعلك من بعد
ديريه شوية ثقيل بالفرينة باش كي يطيب تقدري تنحيه من ليمول
و بعد كي تنحي ليمول عمري بالشيكولاطة
و بالصحة و الهناء