اليوم جبتلكم وصفة ربي يبارك مليئة بالالياف و الكالسيوم و الفيتامينات و مضادات الاكسدة
و الاحلى من كل ذلك انها مشبعة و تصلح ريجيم
مريقة بالكرم
طريقة التحضير
تقصي صدر الدجاج الى مربعات صغيرة +راس بصل متوسط +ملح +سنينات ثوم +4او5 مغارف اكل زيت
و تقليهم جيدا ….
+مغرف اكل طماطم مصبرة +حبة طماطم مقشرة و مقطعة +توابل (انا ما نكثرش ..ندير شوي فلفل اكحل +تابل و كروية )
تزيدي تخليهم يتقلو مليح و مبعد +الكرم المقطع رقيق (ليس جداااا)
تزيدي تقلبيهم جيدا حتى يتشرب الكرم كل المرق و يذبال
ثم تمرقي بالماء و تخليه على نار متوسطة حتى ينضج و لاسوس تخثار مليح
لان الكرم يطلق الماء
تكسري البيض 5الى 6 حبات بيض و تحركي تحريك بسيط
و تخليه ينضج
تاكلي بالصحة و الهنا
يجي بنيييييييين
التزيين كيما تحبي …..فروماج رابي و لا معدنوس ……
ملاحظة تقدري تستغني على اللحم اصلا و تجي بنييييينة 
انا المريقة نتاعي درتها لا باز 
….و انت ديري لي زوبسيون 
ربي يحميهولك ان شاء الله شكرااااااا لكي على الوصفة وتقبلي مروري المتواضع .
كان عندي اليوم الكرم وما عرفتش واش نديرلو
مليح كي بطلت ما درتو ان شاء الله نجرب هذي الطريقة
مرسي
|
صورتك الرمزية …ربي يبارك …………..ما تنسايش ترجعيلي الخبر
|
صدقيني تجى بنينة سيرتو مع الفرماج
|
يصحح ايمانك
توحشنا وصفاتك انا قلت سرقوك منا باقي المنتديات
هههههههههه
اممممممممممممممم
باينة بنينة سuر تو مع هذيك الكسرة الله الله
تسلم ايدك
|
لا و الله والو
الواحد يدور يدور و يرجع لدارو
و هذا المنتدى تاع الطبخ هو الي دخلتو الاول …يسمى داري
ههههههههههههه