ان شاء الله الكل بخير
هادي وصفة ساهلة وبنينة لي يحب يبدل شوية الادواق ويروح للمطبخ الخليجي
درت مجبوس الدجاج وللعلم هو انواع كثيرة
وانا هادا لي نحب نديرو خاطر بنين وساهل
نشرح خطوة بخطوة 
نبداو بسم الله
المقادير :
ل6 اشخاص
3حبات بصل متوسطة الحجم _6فصوص ثوم _قطعة زنجبيل طازج او بودرة _قطع دجاج حسب الرغبة علبة طماطم مقطعة
3أكواب رز بسمتي _زيت نباتي
بهارات :
بهارات صحيحة : كزبرة _اوراق الرند او الغار _قرنفل _هيل _ليمون مجفف او لومي_عود قرفة _كمون حب _قطعة ماجي مرق دجاج
بهارات مطحونة :
ملعقة كاري _ملعقة بهارات مشكلة او بهارات برياني _ملعقة كركم
في قدر نحط كمية من الزيت النباتي تسخن ثم نحط البصل نكونو فرمناه رقيق شوي نحط الملح ونخليه يدبل مع البهارات الصحيحة بعدها نطيف البهارات المطحونة ونقلب
نظيف بعدها الثوم والزنجبيل مبشورين
ونقلب بعدها نحطو قطع الدجاج
بعدها نظيفو شوية ماء مغلي طبعا ندوبو فيه قطعة ماجي
نخلوه يغلي مدة 10 دقائق بعدها نظيفو الطماطم المقطعة ونغطي المرق ونتركه الى ان ينضج الدجاج
في نفس الوقت ننقع الارز البسمتي في الماء البارد مدة غشرين دقيقة ثم نصفيه
عندما ينضج الدجاج ننزعه من القدر ونضعه في صينية للفرت للتحمير لم تريد دالك
نضع الارز في المرق ونحرس ان تكون نسبة المرق تغطي الارز بحوالي
نغطو القدر بفوطة ونحطو الغطا ونلفوه عليها ولازم منفتحوهاش فيل 25 دقيقة الى نصف ساعة على نار هادية
بعدما نفتحوه نلقاوه على هاد الشكل
الشكل النهائي
اتمنى يكون عجبكم
ملاحظة :الارز ضروري يكون بسمتي
|
يسلمك حنونة انتي اول وحدة علقت جوزي مرحبا بيك
|
يشبه للكبسة لا ..!!
|
الله يسلمك اختي ام رحاب صح وانا هدا واش عجبني اخخخخ كم احب السهولة 
جربيها حنونة متندميش
|
الله يسلمك والله مافهمت واحد يسميه كبسة مجبوس مجابييييييس 
انا نشوفهم كامل نفس المقادير
بالاك الاسماء تختلف على حساب البلدان اناالمسيو :عراقي هكا يسموه
|
تحية للعراق , وبالصحة والهناء 
|
الله يسلمك اختي