سلامو بنات المطبخ اللماوي
ان شالله تكونو بخير
بلا ما نطول عليكم
من مدة عملت لي كورني ولي موشون
وحبيت نحطلكم الصور والطريقة للي ما يعرفهاش
لي كورني اكيد كل واحدة تعرفها خصوصا اننا عملتها حبيبة القلب ام ندى في الدورة(ربي يعوضنا خلافها)
ولي موشون تاني يجيو خفاف وملاح
بلا ما نطول ندخلو في الطريقة
العجينة طبعا العجينةا لمورقة
العجبـــنة المورقـــة المالحــــة من مطبخي وبالـــــــصور
بعد ما نكونو حضرنا العجينة المورقة
نحلوها ونقطعوها اشرطة طوال ونلهوثوها على لي كورني
بعد ما نكملو كل الكورنيات ندهنوهم بصفار البيض ونحطوهم في البلاطو وندخلوهم يطيبو
من جهة اخرى نحضرو لبيشاميل
2 ملاعق مايزينة
و1/2 لتر حليب
ملح فلفل اكحل
وكي تخثار نديرولها واحدة شاف نتاع الاعشاب والثوم
ومن جهة اخرى نطيبو اللحم المرحي مع شويا ملح وثوم وفلفل اكحل ونحمصوه في شويا زيت
كي يطيب اللحم نخلطوه مع البيشاميل
بعد ما يطيبو لي كورني نحشوهم بالحشو هذا ونغطسوهم من فوق في الغرويار
وفيما يخص لي موشون
نحلو العجينة جيدا
ونديرو الحشو
ونلهوثوه المرة الاولى والتانية نقطعو العجينة
ممكن نخلوه طويل نطيبوه وبعد ذلك نقصو
ولا نقصوه ونضغطو على الاطراف قليلا ونطيبوه
وهذا شكلو النهائي
نتمنى انها تعجبكم وديما وبلا ما نوصي ما تضحكوش
وهاذ المرة نزيدلكم ما تتعاركوش
هيا اتهلاو في رواحتيكم
نحكم البلصة باش نكون انا الاولى لرديت من بعد نرجع لتعليق
اطباق هايلة
توحشناك وتوحشنا طيابك
يعطيك الصحة ياغالية
تسلم الايادي الغالية
دائما متميزة..واصلي
وشنو هدي مفهمتش..؟
|
ايا اوك كي ترجعي اني نزيد نعلق عليك انا تاني
|
الله يسلمك اختي ام منصف الله ينور طريقك ويتوحشك الخير
منورة بمرورك والله يخليك يا غالية
|
الله يسلمك اختي جزائر الغالية الورد يجيب في الورد
ربي يخليك يا طيبة
|
هاهي جات هاهي جات حبيبتي اهلا عفوف
الله يسلمك ومنورة يا غالية
|
هاذا فرماج شاف
يخي كاين العادي الازرق
وكاين اللي بالاعشاب العلية نتاعو خضراء
هاذا هو
كي طابت البيشاميل لحت فيها كعبة نتاع فرماج شاف بالاعشاب نتمنى تكوني فهمتيني
|
الله يسلمك مشكورة اختي شريفة للمرور الطيب
|
اله يسلمك منورة اختي ام عبدالصمد