حضرـتُ حفلة خِتان ابن خالتي "نذير "
فقرّرتُ وضعَ موضوع أُبرز فيه عادات وتقاليد مدينة قالمة في هذه المُناسبة السّعيدة .
****************************** *******
خِتان الأطفال عندنا يكون على يومين
ليلة الحنّة : اليوم الذي يتمُّ فيه دعوة العائلة والضيوف ،وبعد ذلك جلسة الحنّة تكون في اللّيل أثناء السّهرة و التي تتبعها الزّغاريد وغناء الجدّات والعجائز لأغاني حنّة قديمة بالفمّ.
يوم الخِتان :يخرُج الطّفل الذي سيُختَتن في موكِب سيارات مع الأطفال وأخواله وأعمامه مع الزّغاريد ليذهبَ عند الطّبيب.
أتركُكم مع الرّوبورتاج :
أوّلا: الحلويات التي قُدّمت للضيوف
مع القهوة والحليب (حنا في قالمة منتخلّاوش على الحليب تاع المساء سواء في الحياة اليومية أو في المُناسبات )
ثانيا: العشاء
كان عبارة عن :
شُربة فريك -النّعمة باللحم (لي يقولولها باقي الولايات الشّخشوخة 
)-دجاج محمّر-سلاطة وديسار.
بعد مايكمل لعشا يجي وقت الحنّة
جابو NIDOU ولبسولو قشّ عمرو مالبسو وهو حاير يشوف غير في النسا يزغرتو
البرونص والكبّوس مخدوم بالفتلة
والجيلي بالقطيفة حالة كبيرة
خلطت جدّاتي وعمتو الحنّة وقعدو يغنيو في الأغاني تاع بكري
الحنّة يخلطوها بماء الزّهر للفال زعم
ومعاها القشقشة والحلوى باه يفرGوها على لولاد
وربطولو على الحنّة 
وهكّا كملت ليلة الحنّة بعد أن حنّى لعريس
ونوضوه شطح
وداوه يرقد باه ينوض غدوة بكري .
****************************** ************
وهادي غدوة الصّباح كي نوضوه بكري حتى عينيه مازال بالنوم بداو يصورو فيه
وهو 
خرجوه في موكب السيارات وإلى الطبيب .
(قارنو بين ابتسامة البارح وتكشيرة اليوم ههه )
وبعد ماتَختَن روّح للدار
لقى أمّو طيبتلو لغرايف
يقولو لغرايف يضربو بيه الفال لمليح
سلامي
يعطيك الصحة حبوبة موضوع مفصل لعادة الختان
في ولاية قالمة ,,, بصحتكم العرس الصغير ,,,
وربي يشفيه نيدو
… مغسي عالموضوع الباهيســــلآمي
|
العفو غلاتي
الحمد لله أنو العُرس الصغير عجبكم
شكرا على المرور الطيب
الماكلة والزهو .. روعة ..بصحكتم ..
والشفاء العاجل للكتكوت …
|
بصحتكم العرس شكرا على المرور الطيب اختي
سلامي
بارك الله فيك اختي
نذير يا نذير ، ليلة متتعاودش يا نذير
في وقتنا كان ميجبوش الطبيب بزاف
كان نقولو * السويدي * مشي يعني جاي من السويد لا
هذا انسان يختن بطريقة تاع بكري ويقولك البراكة
ومكانش يدير صوالح الطبيب من ادوية الخ …. شوي قشور الرمان ويقولك نوض تلعب ^^
تحياتي
|
اهلا اخي
في وقتكم حاجة خلاف
هاه السويدي خلاه
مزية مابقاش السويدي هادا في وقتنا
صحيت على المرور الطيب
سلامي
مضوع هايل اختي سندريلا
يعطيك الصحة
و لعقوبة لزواجو انشاء الله
تحياتي
شكرا على المرور الطيب
الذي أسعدني كثيرا
سلامي