لوبيا بطريقة جديدة وشهية 2024.

وهذا مقطع عرضي

نبدى المقادير:
1/ لازملنا لوبيا خضرا (ماشتو) تكون جديدة اللي تمتم تتكسر في يديك ( طرية ) انزعيلها الرئسين فقط اغسليها وغليها بالماء والملح او فوريها بالملح وفلفل اسود طفي عليها خليها تبرد

2/ لحم مرحي انت وقدرتك مثلا نجيب قيس نصف رطل نضيفولو ملعقة اكل روزمرحي ولا حب (من الاحسن مرحي ) باه يشد روحو تبليه بالفلفل اسود وقسبر يابس مطحون واخضر مقطع وثوم مرحي وبصل محكوك وبياض بيضة او بياضين وملح شوية كمون نخلط الكل ونشكل اصابع من اللحم كما في الصورة
إضغط هنا لرؤية الصورة بحجمها الطبيعي.
ثم نبدا بتسييج اللحم باللوبيا كما في الصورة ونضغط عليه جيدا حتى تلتصق اللوبيا باللحم بحيث يكون طول حبات اللوبيا متجانس (الطويلة مع الطويلة والقصيرة خليها من بعد اصنعيها مع القصيرة ) كما في الصور لما تخلصي حبة جيبي خيط خاص بالطبخ او عادي المهم يكون نضيف ولويه على اللوبيا بشرط ماتضغطيش بزاف عيها بالخيط وماترخفيهاش بزا ف شي خمس او ست لفات ولاداعي انك تحزمي الخيط وحدو رح يتشد كما في الصورة :
إضغط هنا لرؤية الصورة بحجمها الطبيعي.

بمقص ولا موس جانبي كل حبة قصوهم باه تكون على طول واحد ويكون شكلها جميل مش كيما راهي فالصورة
ركزو الخيط لوين راه واصل مش غير فالوسط باه ماتتفتحش من بعد كي ننزعو الخيط
وهادو الحبات كملو واللحم الزايد ديريه على شكل كورات
إضغط هنا لرؤية الصورة بحجمها الطبيعي.
** للصوص
حبة بصل الزيت او ازبدة نضيفولها ثوم فلفل اسود رشة ملح ثم الماء طماطم مصبرة وحبة طماطم نخلوها حتى تغلي لما تغلي نضيف حبات اللوبيا حطيهم غير بشوية لازم لمرق يغمر كامل اللوبيا
رجعوها تطيب لما تحسو اللحم دخلو الطياب انزعو حبات اللوبيا ماتخلوهم يطولو بزاف رح تفسدلك الطبخة ويتنزع اللحم عن اللوبيا
إضغط هنا لرؤية الصورة بحجمها الطبيعي.

قد ما يبردو انزعي الخيط من كل الحبات وحافظي عليها بشوية ماتنسايش رجعي المرق يعقد حتى تبقى ربع الكمية ضيفيلها (فنجان ماء مخلط بالفرينة )باه تثقال ضيفي رشة فلفل اسود وطفي عليها

رجعي لحبات اللوبيا وجدي زوج حبات بيض مضربين وفيهم رشة ملح
وصحن ديري فيه الفرينة وصحن اخر ديري فيه لاشابير (خبز مرحي)
إضغط هنا لرؤية الصورة بحجمها الطبيعي.

ابداي رمدي كل حبة فالفرينة اولا ثم فالبيض ومن بعد فلاشابلور حتى تكملي كل الحبات وجدي الان مقلاة كبيرة فيها زيت مش مغمورة ابداي اقلي الحبات وكل مرة غيري الجهة حتى تحمر (كيما تقلي المعقودة )مليح حطيهم في ورق ماص زيت
اثناء التقديم حطي الحبات فالوسط قسميهم على زوج سقيهم بلاصوص اللي طابو فيها وفيكي كاضافة تقلي البطاطا بشكل دوائر وزيني حواف الصحن

ملاحظة تقدري تديري لاصوص بيضا بدل الطماطم مصبرة تديري زعفران
إضغط هنا لرؤية الصورة بحجمها الطبيعي.

قولولي وش رايكم فالطبخة
نتمنى يعجبكم اطبق
في انتظار ردودكم * منقول للفائدة*