لطلاب ل م د تقييم للنظام 2024.

اقتباس المشاركة الأصلية كتبت بواسطة anissa 13 مرحبا اختي انا ندرس علوم اقتصادية ل م د والله عادي شوية صعيب مي مليح وعندك الوقت بزاف انا فالسنة الثانية كان عندي غير 7 مواد والسنة الثالثة نقرا الاحد و الاثنين والله ساعدني بزاف وعادي نفوتو للماستر بلا كونكور ماشي كيما الكلاسيك الدكتوراه يدخلولها غي الماجور تاع البرومو حنا هكدا في تلمسان اما باقي الولايات لا أعلم

مرحبا بيك أختي وشكرا على المشاركة
انا نقرى ادب ل م د السنة الثانية كان عندنا 14 مقياس واش نقولك مافوتناهم حتى نحاو منا النص السنة الثانية مشارجيا بزاف والاساتذة غبر اللي يزرب باه يكملنا البرنامج واللي ماكملش كي العادة يحط بوليكوب ب….دج اسعار :music_whistling: كتابات واش نقولك كاريثة وخلاص. مي السنة الثالثة الحمد لله المقاييس مليحة وقليلة في السداسي الاول نحاولنا زعما البحوث باه نتفرغو للمذكرة مي السداسي الثاني قالك لاازم نديرو بحوث وزيروها بزاف…المهم فوتناها والحمد لله نجحنا وجبنا لاليسونس ولعقوبة للماستار

اقتباس المشاركة الأصلية كتبت بواسطة فؤاد الورقلي السلام عليكم والله يا ختي النظام ماشي ولكن هناك بعض المشاكل خاصة الحجم الساعي الكبير اختيار الموديلات عشوائي يعني ليس مثل بعضها في باقي الجامعات اكثر تتغير من جامعة لاخرى تصادفك مشاكل كثيرة لانك درست موديلات مغايرة التي تدرس في الجامعة المتحول اليها كذلك فيما يخص الانتقال الى الماستر مرة يقولو كامل يفوتو ومرة اخرى غير الاوائل ان شاء الله خير احنا في قسمنا رانا الدفعة الاولى والعام الجاي نتخرجوا لسانس وكاين في اقسام اخرى الدفعة الاول كل فاتوا ماستر اما الدفعات التي بعدها يتم حسب الرتب يعني الاوائل الخمسة عشر وهذا العام راح يكون في ورقلة اول تخرج ماستر في قسم التسيير والاقتصاد والعلوم التجارية وربي يوفقنا كامل شكرا اختي ايمان ربي يجازيك ولي رجعة ان شاء الله اذا كان هناك نقاط مناقشة اخرى شكرا السلام عليكم

يعطيك الصحة خويا فؤاد صح كاين هاد المشكل تاع الاختيار العشوائي وكل جامعة والاختصاصات تاعها كيما حنا مثلا انا قريت في تبسة دارولنا في السنة الثالثة 2 سبيسياليتي تعليمية وتحليل الخطاب مي في ام البواقي وعنابة كاين اختصاصات اخرى يعني حتى باه الواحد يبدل ماتصلحلوش
وفكرة الدفعة اللولة تطلع للماستاركامل ماكانش منها هاكا كانو يقولو فاللول وكي قريب يخلاص العام افيشاو قالك كاين غير80 بوست يديوهم لي ماجور تاع تحليل الخطاب وزيد مقسمة بين تبسة وقسنطينة وحنا قريب 1000 يعني اختصاص تعليمية ماعندهمش الحق فالماستار واش نقولك الجامعة تقلبت صح صح ايا بعد اضراب تع شهر زادو النسبة ل140 بوست مي يبقى الغموض ديما فيه يعني مستقبل ؟؟؟؟؟؟؟
ربي يجيب اللي فيه الخير وخلاص…ربي يوفقك

اقتباس المشاركة الأصلية كتبت بواسطة naouma السلام عليكم انا جبت ليسانس هاد العام الحمد الله ل م د مليح لكن فيه مشاكل فالوقت مواد ينقراو في عام ل م د يقراوه في 3 اشهر برك لاشارج بزاف لكن الحمد الله احنا دفعة الثانية في التخصص و كامل طلعونا ماستر 20 طالب في التخصص لكن في تخصصات اخرى مثل التسيير و الاقتصاد غير 20 الاوائل فقط حنى هكذا ف الجامعة نتاع البليدة الله يوفق الجميع

وعليكم السلام والرحمة والبركة مرحبا بيك اختي ومبروك عليك وعلى كامل اللي داو لاليسونس
صح اختي كي وليو شوية كيما قلتي20 بيا خلاص يطللعو كامل سيرتو ادا الدفعة اللولة مي حتا باه يطلع الواحد للماستار ومستقبلو مجهول والله حاجة تحيير…ربي يوفقك

اقتباس المشاركة الأصلية كتبت بواسطة nassim3427 واحد ما علابالو شروط الدكتوره؟

مرحبا بيك خويا الدكتوراه وين ماتسقسي يقولو الوزارة مادارت حتى مستجدات ومنعرف كشما يدخلو جماعة الماستار يجيبولنا الجديد