لأصحاب البكالوريا. خطوات مهمة أرجو الدخول 2024.

مرحبا بالاعضاء الكرام
أعضاء منتدى اللمة
لاحظت ان مجموعة كبيرة من الاعضاء أقبلو على شهادة البكالوريا هذه السنة
وبذلك سينتقلون من وزارة التربية الى وزارة
التعليم العالي والبحث العلمي
اي سينتقلون الى الجامعة وهناك عدة تفرعات و تخصصات
فكل منكم بعد نجاحه انشاءالله سيقوم باختيار الشعبة المفضلة لديه

وحسب تخصصه بطبيعة الحال
وبصفة المنتدى يحوي على كثير من الطلبة الجامعيين منهم انا
فنحن أدرى من الباقي بشعب وتخصصات الجامعة
لدى نرجو من كل من أقبل على شهادة البكالوريا ان يضع في هذا الموضوع
التخصص الذي يريده لدخوله الجامعة
ونحن سنقوم بمساعدته على اختيار الأحسن
سؤقدم لكم بعض الصور لفهم طريقة الاختيار أكثر

ستحصل على شهادة البكالوريا
حيث تستقبل رسالة تهنئة من الوزير رشيد حراوبية

تتقدم الى الثانوية الأقرب اليك

يرفق مع الشهادة دليل للشعب الجامعية كالآتي

يرافقه دليل آخر يشرح كيفية الاختيار

هاهو ذا نمودج لبطاقة الرغبات

هنا تقومون باختيار 10 شعب حسب الرغبة

وبعد مدة ستصلك الى البيت وثيقة تحوي على الشعبة التي انتميت اليها والجامعة طبعا على الشكل التالي:

ارجو ان نرى رغبات الجميع

لمزيد من المعلومات زورو المواقع

www.orientation.ini.dz
www.mersr.dz
www.ini.dz

بالتوفيق للجميع

انيسة

اي استفسار
انا هنا
لدي خبرة عن الجامعة وشعبها وتخصصاتها
موفقين

موضوعك في الصميم اختى انيسة قبل مانهدر حبيت نشكرك علي التوقيع نتاعك واسمي للي موجود فيه يعطيك الصحة حنونة

نرجع للموضوع الصراحة انا راني حايرة بزاف بزاف بزاف جبت الباك وحصلت صدقيني سيرتو هذا العام كيما راكي عارفة المعدلات طالعين بزاف كنت حابة صيدلة بصح طاررررت مني معليش
حبيت نسقسيك اذا كانت كاينة تخصصات ملاح في الجامعة انا شعبتي علوم تجريبية ومعرفتش واش ندير خاصة وانو التخصصات المليحة كامل راحت للصحاب المعدلات المليحة
وزيد انا منعرف والو علي الجامعات ولا المعاهد ولا اي حاجة اخري معندى والو في ثقافتي بالنسبة للدراسة الجامعية ومعنديش شكون للي يعاوني في اختيار التخصصات من بعد
اذا ممكن تعطيني كاش تخصصات مليحة
اسمحيلي اذا طولت عليك اختى

لا شكر على واجب حبيبتي
والله اختي حتى انا نهار ربحت كنت كيفك ماعارفة والو
بصح مع الوقت تعلمت كلش
غادي نعطيك بعض التخصصات الي الناس قالولي عليهم بلي ملاح
لاني انا ندرس علوم اقتصادية
علوم وتقنيات هادي مليحة بزاف
علوم المادة
رياضيات واعلام آلي
بيولوجيا
هادو عندي صديقاتي عاملينهم
عندهم مستقبل فالخدمة
بصح لازم يكون عندك مستوى عالي فالرياضيات
كاش اشكال راني هنا نزيد نسقسيلك

اقتباس المشاركة الأصلية كتبت بواسطة anissa 13 لا شكر على واجب حبيبتي والله اختي حتى انا نهار ربحت كنت كيفك ماعارفة والو بصح مع الوقت تعلمت كلش غادي نعطيك بعض التخصصات الي الناس قالولي عليهم بلي ملاح لاني انا ندرس علوم اقتصادية علوم وتقنيات هادي مليحة بزاف علوم المادة رياضيات واعلام آلي بيولوجيا هادو عندي صديقاتي عاملينهم عندهم مستقبل فالخدمة بصح لازم يكون عندك مستوى عالي فالرياضيات كاش اشكال راني هنا نزيد نسقسيلك

اول شكرا اختى ثانيا انا علوم وتقنيات خوفوني منها بزاف ناس قالولي الا العلوم والتقنيات معلاباليش وعلاه
رياضيات واعلام آلي هذي واش مستقبها سمعت بها بزاف مي مانيش عارفة واش مستقبلها

لا شكر على واجب حبيبتي
والله علوم وتقنيات مليحة بزاف
سقسي اللي قراها
فيها حوالي 20 تخصص فالسنة الثالثة لانو في العام التالت يتفرعو
وعندها مستقبل
رياضيات واعلام ىلي يمكن تعملي بيها استادة او تفتحي ecole d’informatique privé
والله يا اختي يقبلوك بهاد الديبلوم حتى فالسوناطراك
والله شعبة مليحة تاني