صاحب راجلي عيط ليه قالي نجي نتفرج معك في الكرة قاليها مول دار مرحبا
غير سمعت مكالمة مشيت نجري لكوزينة ملي جيت نقلب مالقيتش عندي غير هاذشي طاحت عليا فكرة علاش مانضيفش عليها
نكهة شكلاط الدهن بيني وبينكم توتات مع القهوة وجات غاية في الروعة والله العظيم
بلا نطول عليكم
المقادير :
3بيضات
كاس زيت
كاس سنيدة
3 خمارات اديال
كاس قهوة سريعة تحضير
ملعقة كبيرة شكلاط الذهن
ملعقة كبيرة كاكاو من احسن يكون مسوس مغربل
طحين مغربل حسب الخليط
لسقي لكيك : قهوة سريعة التحضير مخلطة مع شوية سكر
لتزيين لكيك : 4 شكلاطات مذوبين ومخلطين مع دانيت ـ لوز ايفيلي محمر
الطريقة :
نضربو لبيض جيدا في الخلاط كهربائي ثم نضيفو عليه سنيدة وزيت وحنا تنضربو من بعد نضيفو عليه شكلاط الذهن ولقهوة وكاكاو
مع استمرار في الخفق نغربلو طحين وحنا تنضيفو غير بشوية نحركو من تحت لفوق بواسطة فوي ماشي طراب
ونضيفو لخمارات لاخير لحظة باش يجينا لكيك منفوخ وطالع نحركو من تحت لفوق ونكبوها في مول مذهون
مرشوش بالزبدة وطحين ندخلوها طيب ملي تتخرج من الفران نسقيوها جيدا ونخليوها تشرب عاد نزوقوها بالشكلاط ولوز ايفيلي
نخليكم مع الصور
بالصحة والراحة 
تتمنى تجربوها تتجي هشيشة ورطبة كلما باقت كلما زينت
يعطيك الصحة راني جربتها وجات 4444444444444
نتمنى من كل واحدة تجربها
وبصحتكم مع كاس حليب وفنجان قهوة
شكرا لك استمتعت انا واهلي بالتارت بارك الله فيك
|
|
سررت بتجربتك عزيزتي شكرا لمرورك عاطر
انرتي صفحتي بحضورك
هزيتي قطعة بلا ماشورتيني الباقي تاعي يالا صيفطيها دابا
|
راه ديك ساعة الشيف شرف قطعت ليا قطعة نذوق ههههههههههههه
وخا على راس والعين على انا نقدر نخاف ناكل لعصا هههههههههه