هادي اول مشاركة لية في المنتدى اتمنى ان استفيدة من خبرات الاخوات الكريمات
للكيكة انا نديرها ديما بسبوسة الفرينه مانقلقش روحي طول
4بيضات+كاس سكر+نص كاس زيت+كاس حليب+باطة ياؤورت فراز يمد دوق باهي +2خميرة+كاس فرينة+نص كاس نشاء+ملح
الطريقة نضرب البيض الكامل مع بعض الى ان يفتح لون المزيج ونضيف السكر والزيت حتان يثقال المزيج وثم الحليب+الياؤورت ومن جهة اخرى تكوني وجدت الفرينة والنشاء والخميرة مغربلين مليح وضيفيهم بالصفاية وخلطي بطريقة طي الورقة وساييييي ادهني المول نتاعك وديريلو الفرينة صبي المزيج ودخليه للفور وماتزيديش تحلي عليه على الاقل ربع ساعة نتاع طلي كل دقيقة هاديك ماكلاه لراهي تحلف ماتطلع هههههههههه
واخلاص بعد ربع ساعة خرجيها من الفور وخليها تبردطبعا راكي تنحيها من المول نتاعها.
نجو للكريمه 100غ شانتيي بودربنص كاس حليب وضربيها وامبعد باش ديريلها السكر الارطب تحتاجي باش تحشيها واتزينيها 200غ شانتيي المهم اخشيها بالكريمة وزينيها من الفوق بالكونفيتير +صبغة حمرا +دوق فراز .
بالصحة ولهنا اي استفسار راني كي الجادارمي علاجالكم 
و ربي يدوم المحبة بينكم
~يعطيك الصحة يا الفحلة
ننتظر المزيد من تألقاتك
وربي يدوم المحبة بيناتكم
تم نقل الموضوع الى وصفات الكيك والحلويات الحصرية والمجربة