كيكة الانناس 2024.

5 بيضات بحرارة الغرفة
1 ك فرينة
1 م ك خميرة الحلوى
فاني
3ارباع ك سكر
هذي مكونات الكيكة

علبة انناس دوائرنصفيه من الماء نتاعوا ونحتفض بالماء للاخير
نص ك سكر نحرقوا على النار حتان يصبح كرمال نصبوا مباشرتا في المول ونحاول نمروعلي كل سطح المول قبل ما ييبس ثم نرص دوائر الانناس فوق الكرمال بهذا الشكل كما في الصورة

نخليها علا جنب ونبداء في تحضير الكيكةنضرب البيض شوية ثم نضيف السكر مرة وحدة ونبقي نضرب فيه بالخلاط الكهربائي حتان يصبح مثل الميرانق ثمنسير الفرينة 3 مرات كل ما سيرناها تعطي خفة للكيكة اكثر نخلط معاها خميرة الحلوى ونفرغها بالشوية علا خليط البيض ونقلب من الفوق للتحت باه مايهبطش البيض راح نتحصل علي خليط خفيف كيما هكذا

نصبوا مباشرة في المول الي فيه الانناس وندخلوا للفرن يكون مسخن مسبقا وما نفتحش الفرن حتان نشم الريحة في كل ارجاء البيت

كي نخرجها من الفرن نثقبها ونصب عليها ماء الانناس ونتركها تتشرب ثم نقلبها نخليها تبرد ونقدمها

إن شاء الله تعالى. تعجبكن ولا تنسوني حبيباتي بدعواتكن الزينة لكن محبتي

_______

رووووووووووووووووووووووووووووو وووووووووووووووووعة

الله يبااااااااااااارك خرجتلك روعة جاري التطبيق في اقرب وقت ان شاء الله .. مافيهاش زبدة ولا زيت ؟؟
بارك الله فيك وصفاتك كلها فايف ستار وفايف في عينين الحساد ههههههه

امممممممممممممم حنون مشاء الله
تسلمي نورتي المنتدى من جديد

تبارك الله جاتك تسخف , تسلم الأيادي

يعطيك الصحة باينة تخرج بيننة
تقبلي مروري

شكرا غالياتي ربي يحفضكن انتن ا لاروع اذا حبيتي تضيفي زبدة ولا زيت مغرفة ولا 2 ماتضرش بصح انا ما عملتش فيها

امممممممممممم ام حنون جاتك رائعة يعطيك الصحة

يعييييك الصحاااااااااااااا جاتك فووووووووووووووور