كنت نزلت من قبل مادلان على شكل قلوب
كيما وعدتكم أحبابي
حلوى المادلان من مطبخي على شكل قلوب محبة لعيونكم يا حلوين
هأنا ذا لتلبية الوعد
جربوها عزيزاتي بلا تردد لأنها فعلا رائعة و مشهية
مادلان بفكرة نوعا ما جديدة كنت وجدتها في منتدى فرنسي
وجربتها و الحمد لله نجحت في تطبيقها
نبدأ بالمقادير
03 بيضات
150غ سكر
200غ فرينة
120غ زبدة ذايبة
03 مغارف كبار حليب سائل
1/2 كيس خميرة كميائية
فاني أو zeste نتاع قارس أو برتقال
الكيفية مفصلة لعيونكم
نضرب البيض مع السكر جيدا حتى يبيض الخليط نزيدولو الفاني أو zeste نزيد الحليب
ثم الفرينة مغربلة مع الخميرة و أخيرا الزبدة المذابة
و نخلط بشوية
و الأهم والمهم
تتركيها في الإناء لي خلطي فيه الحلوة مغطية
مدة 15 دقيقة في الثلاجة
وهذه هي طريقة نجاحها وهذا هو سر بنتها و خفتها
في هذه الأثناء تكوني مسخنة الفرن على درجة حرارة 250
ومبعد 15د تخرجي الإناء وتصبي في لي مول إختياري حسب الموجود
أنا إستعملت مول السليكون على شكل قلوب
دهنتهم بشوية زبدة
وفي الأخير كي يطيبو ويبردو نحيهم من لي مول
وزيني كيما تحبي وحسب المتوفر
أنا زينت فراغات القلوب بمعجون الفراولة بصراحة نموت عليه 
و حطيت عليهم لوز إفيلي يزيدهم البنة
بالتوفيق حبيباتي
ان شالله نجربو
نموت على المادلين
يعطيك الصحه
يعطيك الصحة يا راقية
وين ندير رجلي نلقاك
تحفة الله ابارك
متخليناش نولفو بعد تحبسي
هنا نستناو الجديد
و ان شاء الله رح نجربها المدلان و نردلك لخبر
يعطيك الصحة
|
راحو كتير حلو يا حلو جربيه و إن شاء الله تفرحي العيلة
وتفاجئيهم بالبنة و تخليهم يستغناو على نتاع المحلات
عن تجربة
|
معلوم عزيزتي راهي القلوب على بعضاها على هاذا وين تروحي تلقايني
أحبك في الله أخيتي و أحبكم جميعا في الله يا كل ناس اللمة الملاح
ربي يقدرني عزيزتي على الجديد
و إن شاء الله نداوم
و منخليكمش
تحياتي الحارة عزيزتي
شكرااااااا
يشهووووووووو
عندي استفسار الله يخليك
شريت لمول تاع السيليكون
وجربت بيهم كاب كيك ( مادلين )
حمارو من الفوق ومن التحت وطابو بالصح في جنابو ما حماروش بقالي ابيض
مرسي
مممممممممممم
مممممممممممممممممممم
المادلان يا طاطا محلاه جاااااااااااااك يهبل
يعطيك الصحححة
مشكورة على الوصفة