جاتني الفكرة هدي راسي سيرتو مع الجيل هدا و الجاي يخي يخطبو لرواحهم ووووو حتى كي تلحق حاجة الثح يعني ………………… الدراهم يدخلو والديهم.
المهم اليوم جيت بالموصوع هدا باه كل واحدة تفرغ واش كاين في قلبها و تقوللنا كيفاه تعرفت على شريك الحياة . و باينة هدي فيها عفايس كي تتفكروهم تموتو بالصحك
كيما انا ميعد نحكيلكم حكايتي با راها حكاية هدا ادا شفت تفاعل و الموصوع خدام مش راقد
انا في لاانتظار 
وشكرا
هيا انشطو شوية ولا تعرفو غير التقرعيج
راني نستنا في القصص نتاع البنات
غير ديرو الكوراج وقوووووووووولووووووووووووووو
ههههههههههه
انا واحدة من الناس اتعرفت عليه
كنت نظل مدابزة انا وياه و نضربو ونهرب ويرجع يردهالي
لاخاطر نعرفو من انا صغيرة
مولات 10 سنين دايما نتخيل روحي نحكي لاولادي في المستقبل ان شاء الله
كيفاش اتعرفت على باباهم
وللحديت بقية كي نجي نكمل
شفتو ومارديتش
منقدرش نحكي على طريقة معرفتي بخطيبتي
لأنو كاين بعض المتطفلين ربي يهديهم يدخلو يقرعجو كضيوف ويروحو يتمسخرو بالناس …
مثل هاد المواضيع نفضل تكون في المجموعة السرية الخاصة بعرائس اللمة
شكرا اختي لاروز لنشاطك الدائم
ممم انا زواجي تقليدي كان يحوس على بنت فاميلا قال لصاحبو الي هو لافامي نتاعنا ونعتلوا دارنا وجا وشفتو وانخطبنا وكملت الحكااية الحمد لله
انا تعرفت بيه غلطة في التليفون عيطلي عشية العيد الكبير 2024 هدرت معاه بالقدر، نهار العيد بعثلي sms و من بعد عيطلي و ظهر جار بيت خالتي.
و بعد 3 سنوات تعارف و تعارك خطبني و الحمد لله بقاو غير شهورا و نكون معاه.
من نهار عرفتو يقولي غير نديك و نشفيك، نهار العقد تاعنا راكبين مع خالو و صحايبو بهدل بيا حكمني سلم على ايدي و قلي وين رايح تهربي ديتك يعني ديتك.
من الحشمة حمار وجهي و اللي معانا دارني فيلم
المهم ربي يخليهولي و يحفظهولي كيما درك
يعطيك الصحة اختي على الموضوع و انا راجلي نعرفو مدة 4 سنين و اول مرة غلط فيا فتلفون و الحمد لله
كملنا ربي و درنا الخطبة و ربي يكملنا على خير ربي يهنينا و يهني المسلمين كامل و لعقوبة لي مازالو
نشاله
تحية كبيرة من اختكم بسمة