كاين عدت وصفات لهذه الكيكة اليوم جبتلكم هاد الوصفة ان شاء الله تعجبكم
مقادير الكيكة
3 حبات بيض
1/2 كوب سكر
1/2 كوب زيت
3/4 كوب عصير البرتقال
مبشور البرتقال
1 خمارة
كوب ونصف فرينة
مقادير صوص كراميل
3 ملاعق زبدة
2 ملاعق عسل
كاس سكر انا هنا جاتني حلوة شوية ممكن تنقصي فالمقادير
عصرة نصف قارص
اولا نبداو بصوص كراميل
في كسرونة نذوبو الزبدة ثم نشيف باقي المقادير نحركو وحطوها على حمام مائي حتى يذوب السكر
ثم نحوها من الحمام المائي ونحطوها مباشرة على النار مع التحريك المستمر كي يبدا يعمل فقاعات نعصرو عليه القارص ونحركو حتى يتبدل اللون نتاعو
ونفرغوه مباشرة فالصينية الي نكونو دهناها بالزبدة نخلوها تبرد غير شوية ثم نقطعو البرتقال حسب الرغبة ونستفهم فوق الكراميل راح تلاحظي انو جامد عادي
ثانيا تحضير الكيك
بالخلاط الكهربائي نضربو البيض +سكر مليح ثم الزيت ونضرب ثم العصير والمبشور ونضرب ثم الفرينة والخمارة منخولين نضيفهم بالملعقة بشوية
ونفرغو فالمول
الطياب يكون 180 درجة حوالي 40 الى 45 د
كي تحرج نخلوها واحد 3د ونقلبوها بشوية عصير البرتقال نشمخوها من الفوق غير شوية
وان شاء الله تعجبكم
سلام 
كل اطباقك وحلوياتك شابة
مشكوووورة
ههههههه
هههههههه اجري اجري بالاكي يلحقوك راهم كاينين الي رجليهم طوال خخخخخ
نورتي
يعطيك الصحة يا شهروروة الحرة
نطبقها ان شاء الله مدامنا رانا في وقتها
مرسي ليك حنونتي
فريدة الله يحفظك ان شاء الله تعجبك تبعي برك فالصوص كراميل راهي جاتني حلوة شوية نقصي السكر
نورتوووو