عندي تمر سافي 2 سمانات وهو في الفريجيدار جابتهولي ختي من بسكرة انا ما نحبش ناكلو هكدا امالا اندير بيه القاطو اما كعك النقلش او المقروط المهم
المكونات
1كغ فرينة
500غ مارغرين
رشة ملح
200غ سكر ندوبوهم في 200ملل ماء+ما زهر + فاني
الحشوة
غرس+شوية زيت+شوية قرفة+شوية كبابة
التحضير
اولا نبسس الفرينة والمارغرين مليح ونغطي بكيس ونترك ترتاح 1/2ساعة الفرينة تتشرب المارغارين
بعدها نلم الفرينة +المارغرين بالخليط المكون من سكر+ مازهر+ما+فاني باطراف الاصابع بالاكي تدلكها لمها برك حتى نتحصل على عجينة نغطيها بالنيلون ونتركها ترتاح
في هد الوقت نحضرالحشو بمزج جميع المكونات ونشكل حرابيش ونحتفظ بيهم
نحل العجينة 3 مم في السمك ومستطيل طولو12سموعرضو5سم ونحط الحربوش ونلف العجينة على الحشوة ونصنع اسورة
ننقش الاسورة بالمول المخصص
نرس الحبات في سينية مرشوشة بالفرينة
نسخن الفرن 180°
ندخلهم في فرن مسخن لمدة 15د ونقدرو نحمروهم وادا نحبوهم مدهبين
واش الغرس مافضش ولا كيفاه:laugh:
وانتي يا ندى من هداك النهار ونا نسقسي على التمر ولا لحق
كل يوم في التيليفون بلا رد
|
ههههههههه الله غالب ماعندكش الزهر
اللي عندي درت بيه البراج:laugh: