كعك التوابل او مايعرف في بعض المناطق بكعك تلمسان او رغايف كما يسميه البعض فتسمية تختلف من منطقة الى اخرى
عملت هذا الكعك من مطبخي و ان شاء الله ينال اعجابكم
المقادير :
– 3 حبات بيض / كاس سكر عادي / 1/2 كاس زيت / 1/2 كاس حليب / 1/2 كاس ماء الزهر / مغرف اكل خميرة الخباز / مغرف صغيرة خميرة الحلوى / مبشور ليمون / لفاني / فنجان جلجلان محمص و مرحي / فنجان حبة الحلاوة و زريعة البسباس مطحونين / الفرينة
انقر على هذا الشريط لعرض الصورة كاملة.
التحضير :
– في ليان كبير ندير البيض + سكر و نضرب بالخلاط الكهربائي حتى يبدا يبيض لونه دون توقف عن الخلط نضيف الزيت ثم الحليب ثم ماء الزهر نوقف الخلاط
– نضيف مبشور ليمون + لفاني + الخميرة الكيميائية + خميرة الخبز اللي كنا حليناها في شوية حليب دافي + التوابل المذكورة و نخلط بمغرف نتاع خشب
– نبدا نضيف الفرينة بالتدريج تقريبا كلغ حتى تتلم العجينة نغطيها و نخليها ترتاح
– كي تخمر نكسر من حجمها و على طاولة مرشوشة بالفرينة نشكل حربوش و نشكل كعك و كل مرة نرش بقليل من الفرينة باش ماتلصقش
انقر على هذا الشريط لعرض الصورة كاملة.
– على صنية مدهونة و مرشوشة نحط حبات الكعك و ندهنها بصفار بيض مخلوط مع شوية قهوة و ندخلها فرن ساخن من قبل كي تدي اللون الذهبي نخرجا و نقدمها
انقر على هذا الشريط لعرض الصورة كاملة.
انقر على هذا الشريط لعرض الصورة كاملة.
انقر على هذا الشريط لعرض الصورة كاملة.
ملاحظة :
– اضافة الى التوابل المذكورة نقدر نضيف النافع
– خميرة الخباز نحلها في قليل من الحليب المذكور في المقادير بعدما كنا دفيناه شوية لكن الحليب المتبقى و اللي نستعملوه في العجينة يكون عادي ماشي دافي
– اي سؤال انا في الخدمة .gif)
بما اني اول من ارد ندي
حبة واحدة تكفيني لفطور الصباح
heer:heer: النافع ؟؟؟؟؟؟؟؟wacheno
تبارك الله عليك
بصح حنونة هدا ماشي كيما كعك تلمسان
خدمتيهـ هآيل
نموت على آلكعك
احنآ نخدموهـ تقريبآ هكآ
لكن مآ نديرولوش في آلدآخل آلحبة آلطيبة
آلحبة الطيبة أو آلجلجلآن نديروهم غير من فوق برك بعد مآ ندهنوه بصفار البيض
ويخرج خفيف وبنين ويشبهـ لآمونآ