حبيتو تعودو تشوفو مليح؟ ههههه كثرو الزرودية هههه
جربتها البارح وصدقوني عاودتها اليوم لانها ساهلة و…….بنييينة
نقولكم الصح الحاجة اللي تعجب ولادي نعتمدها
كنت خايفة من الزرودية بصح مستحيل تحسو بيها
طولت؟؟ ومع من نهدر امالا هههههه
نزيد حاجة وخلاص، الوصفة لقيتها في لانتارنت ويعطيها الصحة صاحبتها، هي دارت 200 غ شكولة بيضاء في لعجين، انا استغنيت عنها البارح
واليوم درت حوالي 100غ حبيبات الشكولة وزيتتها بالالوان للبنات
باختصار كاش ما بقى اختصار هههه :o_o: التزيين انت وخيالك
المفيد
حبة بيض+125 مل حليب+80 مل زيت+90غ سكر +فاني وخلطي+200 غ زرودية رابي ماشي في الرقيق+50غ نوادكوكو+150غ فرينة+2 مغارف صغار خميرة
فرغيها في مول مدهون وطيبيها
heer:
خليها تبرد مليح وزينيها بكرام شونتيي وزوقيها على زوأك ههههه
تجي ثاني في قوالب فردية، ولا على شكل مادلان ولا كيكhiny:
بصحتكم
شكرا حبيبتي على الوصفة الشهية
وصفة تشهي
نايضة درك نديرها
ونرجعلك الخبر
نجربها و نردلك لخبر… شكرا
ان شاء الله نجربها يعطيك الصحة