كسكسي مرقة بيضاء من مطبخى 2024.

السلام عليكم
ليوم طيبت طعام مرقة بيضاء
وشفت بزاف لى يسمعو بيه بصح ميعرفوش الطريقة
وللمعلومة حنا فى لعراس لازم طعام يكون مرقة بيضاء فالعاصمة
قلت نحطو موضوع لى حاب يعرف تقاليدنا

فى قدرة حطيت فيها طراف لحم بصلة تكون كبيرة ملح قرفة بودر وعود فلفل لكحل زيت وشوية سمن قليتهم مليح حوالى 5 دقائق

ومرق وحطيت حميصة وخليت الكل يطيب

وفى نفس الوقت شمخت طعام وخليتو ينشف

وفورتو على قدرة المرقة
ونحيتو وشربتو بالماء وعاودت حطيتو يفور لمرة الثانية

وكى طاب لحم نحيتو بجيه وتكون لحميصة طابت تانى درت لفت فالمرقة طيب

وبعد تفويرة لخرة فرغت طعام فى جفنة ودهنتو بسمن

وقبل مانطفى بحوالى 10 دقائق درت لقرعة طيب على خاطر متشدش الوقت

وهنا راه وجد حطيت طعام وستفت لقرعة ولفت ولحم ودرت فوقهم لحميصة والمرقة
ورشيت عليه شوية قرفة لتزين


ملاحضة هاد طعام مجيش فيه انواع خضرة اخرى يا درى لفت وحدو ولا قرعة وحدها ولا فى زوج
وتقدرى دريه بالجاج ولكن تاع لعراس لازم يكون بلحم
انشاء الله تعجبكم طريقتنا

جاك هااايل ايمانو بصحتكم ريحتو واصلة
يعطيك الصحة اختي لعزيزة

وعليكم السلام
يييم يشهي
احسن طعام عندي تاع المرقة البيضا
تسلم الأيادي

وعليكم السلآآآم
اممم يشهي
مآم حنآ البربوشة تآعنآ نديرولهآ المرقه بيضآآ
بصح مآنديروش اللفت كمآ انتمآ
يعطيك الصحة

يا عيني على البربوشة العاصمية من يدين قبايلية امممممممممممممم روووعة تسلم الايادي

آمممممممممممممممم ،، سخفتيني سخفتيني
يعطيكـ الصححة خرجتلكـ روووعةةة