اليوم جبتلكم كسرة الرخسيس على طريقتي وبما ان كل من ياكلها
دون فخر تعجبوا حبيت نجيب هالكم
المقادير
3كيلات و نص دقيق (سميد) من النوع الممتاز
نص كيلة فرينة
نص كيلة زيت عادي
ربع ملعقة قهوة بيكاربونات
2ملعقة قهوة خميرة كيميائية
3ملعقة قهوة ملح (عينك ميزانك ..تقدري تزيدي)
1ملعقة اكل خميرة الخبز (ماهيش معمرة)
ملعقة اكل كبيرة (زرارع) خليط من حبة حلاوة و سينوج و جلجلانية
تفركي جيدا بين الاصابع حتى تدخل كل المقادير في بعضها
ثم تلميها بحوالي 2 كاس ما دافىء او اكثر شوي حسب السميد (كاين السميد لي يشرب) …تضيفي بشوي و تلمي حتى تتحصلي على عجينة ملساء …تميل انها تكون يابسة
المهم ماشي طرية
تغطيها بكيس بلاستيكي او film alimentaire لمدة نصف ساعة
ثم تقسميها الى اقسام متساوية على شكل كرات و تعاودي تغطي و تخليها ترتاح شوي
في هذه الاثناء تسخني الطاجين جيدا و تخلي النار قاوية
تمدي هذه الكرات الى قرصات و تطيبي
مهم انك ماتقلبيش ياسر بش ما تيبسش طيبي الوجه الاول مليح و مبعد قلبي…بش تجيك هك
اتفضلوا بالصحة و الهناء
ملاحظة انا الكيلة لي كيلت بيها غرفية تاع flan كبيرة تهز نصف باطة زبدة لابال
يعطيك الصحة تشهي .
اممم يخص اللبن
يعطيكـ الصحة
يعطيك الصحة
|
و الله حتى اللبن كاين اتفضلي ما دامي سخونة …
|
شكراااااااااااا يا السندريلا و الله يسلمك
|
الله يسلمك حكيك ,,,,,,,,شكراااااااااااااا على مرورك
بصح أول مرة نشوف رخسيس فيه البيكربونات وخميرة الحلوى