الصور تطبيقي و
الوصفة منقولة
المقادير:
6حبات بيض كبار
2كيسان سكر عادي
نص كاس سكر رطب
2كاس زيت
2علب ياوورت من الافضل ذوق فراولة او ليمون
2مغارف كبار كاكاو ”أسود""
مغرف عطر القهوة او نيسكافي
مغرف كبيرة فاني
زاست ليمون او برتقال
4 شكاير خميرة
فرينة حسب الحاجة
التزيين:
1-معجون مشمش , جوز الهند , كاوكاو محمص مرحي,
2- 500غ شيكولا بيضاء , فنجال حليب خاثر , ملون ابيض , ملعقة كبيرة لافاني , قليل من الشيكولا السوداء
التحضير:
باستعمال باتور او بيتران نضرب البيض و السكر مليييييييح
منبعد نزيد الزيت و الياوورت والخميرة و السكر الرطب و الزاست و لافاني ثم نقسم الخليط الى اثنين واحد اكثر من الثاني الجزء الصغير نزيدلو كاكاو و عطر القهوة و نلم بالفرينة نتحصل على عجينة طرية نوعا ما
و نزيد نلم الجزء الابيض بالفرينة حتى الحصول على عجينة طرية أيضا
نغطيها و نخليها تريح شوية
ثم نقسمها بحيث وزن البيضا ضعف وزن السوداء انا سنيواتيي كبار علابيها قطعتهم كبار شوية
ندهن السنيوة بالزيت و نبدا نحل فوق بلاستيك باش تسهل علينا المهمة و نحطهم فوق بعضاهم و نزيد نحل ملييح و نروليها نديرها فالسنيوة و نقرصو شوية برك
ندخلها في فرن متوسط نار من الاسفل حوالي عشر دقايق و نشعل من فوق حتى طيب باش تتاكدو قطعو جزء من الطرف و شوفو اذا لقيتوه نشف نحيوه و اذا مازال خليوه يزيد شوية و خرجوووه
ادا تحبو تزينوه بالمعجون ديروه وهو سخون و ادا بالشيكولا خلوه يبرد تماما
هايل يعطيك الصحة
يسلموا حبيبتى على الوصفة خرجللك هايل
موالفة نديروا رولى بصح جامى جربتوا بالشكولا
جارى التطبيق باذن الله
موالفة نديروا رولى بصح جامى جربتوا بالشكولا
جارى التطبيق باذن الله
السلام عليك
يعطيك الصحة
يعطيك الصحة
جربيه بالشكولا الطعم مختلف ورووووووووعة مروركم روعة اهلا بكم
الله يبارك جاك روعة أختي
يشهي بزاف مشكورة على الوصفة و شرح طريقة التحضير
منورة حبيبتي نورك زاد الوصفة حلا
بارك الله فيك
جاك روعة
جاك روعة
تسلمي حبيبتي
يعطيك الصحة أختي
شهتيني
شهتيني