كباب ع الطريقة التركية 2024.

لحم او دجاج مفروم ,, حبة بصل ,, حبة فلفل حمرا ,,حشيش مقطفة ,,توم ,,هدوما كامل مقطعين رقيق ,,كسبر يابس ,,كمون ,,فلفل عكري ,,فلفل اسود ,,ملح .. مغيرفة زيت تخلطيهم كامل مع بعض وتجوزيهم في بلاندر وتخليها تدور حتى تعود شغل عجينة ,حطيها في تبسي وقعدي تشكلي فيها على هديك العفسة وامسحيها بالزيت من الفوق وادخليها تطيب في الفرن ماتحكمش وقت بزاف ماتخليهاش حتى تنشف

دوق نجوزو الروز
روز كمية لي تحبي اغسيله وانقعيه في الماء مدة نصف ساعة على الاقل و خليه ينشف ,,حبة بصل ,,توم مقطعين رقيق ,,فنجان زيت ,,ورقات رند ,,2هيل ,,ملح او ماجي (انا مانخدموش فيه المادة الحافظة ) ماء ,,كل كيلة روز نعملولها زوج كيلات ماء

في طنيجرة حطي الزيت تسخن +بصل وتوم +ورقات رند و2حبات هيل ,,حتى يعود لون ديالهم دهبي ارمي عليهم الروز وقعدي تحركي فيهم خطرة على خطرة حتى يتبدل لون الروز ,,سخني الماء مليح وارميه على الروز +ملح كي يعود يغلي حركيه مرة وحدة فقط ونقصي للنار وغطيه حتى يطيب

ومن جهة اخرى قلي الفرميسال في 2 مغيرفات زبدة ولا زيت حتى تحمر واضيفيها للروز كي قريب يكمل طيابو

وزيني الطبق ديالك كيما تحبي ,,انا قدمت الطبق مع خضار متلا خيار ,,طماطم ,فاصوليا بالوانها معدنوس وتوم وبصل اخضر وليمون وملح طبعا

ان شاء نكون وفقت في الشرح ,,واي استفسار نحن هنا