جبتلكم اليوم وصفة تاع قلب اللوز ساهلة ورائعة جربت شحال من وصفة وهذى خرجت روعة ربي يجازى مولتو كل خير يارب .
المقادير
6 كيسان سميد حرش
3كيسان سكر حرش
كاس زيت
كاس اللبن
كاس شاي ماء الزهر
الشربات
6 كيسان ماء
3كيسان سكروشوية ماء الزهر تغلى 15د ونطفوا عليها ممكن نظيف 2ولا 3مغارف عسل عاقد نخلطو ونخلوها بجيه
نخلط السميد مع السكر نزيد الزيت ونفتلوا مليح كطعام واحد 15د ونشمخوه بكاس لبن ونخلطو غير بالاصابع مع كاس شاي ماء الزهر نخلوه يرتاح 20د نطايبوه فى فرن يكون مشعول من قبل وسخون لما يحمروا الجوانب نشعلوا من فوق نفرغوا عليه شربات باردة على 3 دفعات وكل مرة نعاودو ندخلوه فى الفرن طافى
وممكن نغطوه بسنيوة من الفوق نخلوه يرتاح 6 سا على الاقل باه نقسموه ومليح كيبات انا منجمتش نصبر صورتوا وجبتلكم الوصفة .
الله يبارك عليك وعلى هادوك اليدين لي يخرجو كلش هايل وناجح
10/10
Bravoooooooo ma soeur
merciiiiiiiiiiiiiiiiii
تم نقل الموضوع إلى ركن وصفات الكيك والحلويات الحصرية والمجربة
|
الله يسلمك حنونة وانا وين عرفت بلى راكى قاعدة حتى ذاك الوقت ايا اومبعد نخدملك سنيوة سبيسيال ليك وحدك
|
تسلمى حبيبتى
|
الله يسلمك حنونة شكرا
وبصحتك