بغيت ننصحكم وغادي نهدر بالعامية تاعنا نورمال
يا خوتي والله عندكم ردو بالكم من يتاجرو في صحتكم
انا عندي قصة نحكيهالكم قبل كلش
انا كانت لعندي حب تاع شباب دارتلي في الجبهة بوي هاد الحبة كبرت وولاتلي كيست المهم كانت تتعمرلي بزاف ايا ديرونجاتني رحت للدارماتون ايا قتله شوفلي هاديا شاهي وماقتلهش بلي علابالي شاه
ايا تعرفو واش مدلي انتي بيوتيك وانتالجيك ولابيتادين ؟؟؟؟ دوخني انا قتله علاهش شا عندي
قالي كيست ومأنفكتيا قتله اوكي كيست راني معاك مي وين راها لانفاكسيون ؟؟؟
قالي راها تسيلك بالقيح ولا البي ايا قتله لالا ماشي قيح معليهش خلصته وخرجت مادرتش الدوا هادايا وبديت ندور على صحابي كل مرة واحد يقولك هدرة حتى قالولي على دارماتون يعرف غايا
اوكي
رحتله ودارلي كونسيلتاصيون بالاك انا نيميرو 55 والله غير 55 معليهش لهنا راه كلش نورمال ايوا تفاهمنا قالي هادي كيست ونحيهالك انا ؟ قتله علاهش نتا شيريجيان ومن بعد قنعني قتله سي بون نحيهالي
وليتله بعدها بيومين وانا فرحان
ايا يا خويا كسلني دارلي لاناستيزي ويجبد البيستوري تاعه و يبدا انا قلت راه كلش نورمال درب معايا 10 دقايق قتله يا خويا هادي كون راك دبحتني وكملت ايا ليفي تاع لاناستيزي راحت وليت نحس بالبيستوري يقطع فيا نورمال من بعدها شا دارلي عاودلي لاناستيزي وقلت سي بون غادي ينحيها ايا غير شوية حتى حسيت بالدم في رقبتي يا ماشي غير شوية مي حيسته مع ظهري قتله شاه هادا قالي والو ؟ قتله كيفانش والو يا وانا دوشت بالدم ايا قالي ماكان والو احكملي هاد الكومبراس وصايي قتله مانحكمش انا حتى تقولي شا درت ؟ قالي قطعتلك ارتار حوجي ارتار قطعتهلي شوكاني قتله اوكي نحكم مي حتى لوينتا ؟ قالي سي بون ماكاين والو خويا غادي نعيط لصاحبي يخيطك ياه ؟؟؟ صاحبك ربحتلي انا وكأنما عندي برميل تاع دم انا بير تاع دم قتله شوف مادامك هلكتني حكم نت العرق وعيط لصاحبك
يا خويا ويجي صاحبه ايرولوق تاع كلاوي قاله سي بون ماكان والو وقاله عطيني خيط نخيطه؟ قتله خويا اوكي خيط وزيد تعلم الحسانة في راس اليتامى معليهش يا خويا خيطلي العرق هاداك لي لحد الان ماعلاباليش شاه والله ماعلابالي وكمل وزاد خيطني من برا تانيك
و نضت قتله قولي شا صرا فهمني دروك
ايوا هنا يبدا قالي ديك ماشي كيست ؟؟؟؟؟؟؟ الور وشاه هاديك يا لعزيز؟gali hadik shunt
سي تادير العروق تلاقو في بلاصة والدم يتكبد فيها كواقيلاصيون
قتله اوكي
دروك فهمني لي قطعته شاه
؟
قالي ارتار ؟؟؟؟؟؟؟ قتله كون ارتار راني نمشي دروك
؟؟؟؟
قالي وي قتله سي بون وعطاني التراتمون وخرجت وليت ندور على لي ميدسان ونشوف الراي تاعهم
واحد واش قالي هههههههه قالي راه متوشيلك لاكران ايا في وجهه قتله لي يتوشوله لاكران يوقف يحكي معاك دروك؟؟؟
معليهش هادي فاتت وليت ندير التراتمون ونصواني لروحي
حتى 10 وليت لحبيبنا ينحيلي الخيط اوكي دخلت قالي واه نحيهلك ايا ونحاه ومشيت
قتله شوف بلاك راه الجرح مأنفكتي قالي لالا
قتله سي بون
مشيت غير لحقت للدار وليت نديرله دوا ايا غير زيرتها شوية سالتلي معليهش شريت اونتي بيوتيك وبديت نشرب وفاتت ليام مي والو باقي غير يسيل
ايا رحت للبولي كلينيك قتلهم شوفو اسك كاش خيط باقي ولا لالا
والو راك نورمال مي مناش مأنفكتي هاد البلي قالولي ماعلابالناش
ايا كرهت والله وليت كل يوم نقيها ونديرلها دوا حتى لليوم
قلت والله اليوم تفرى يا نبرا نيشان يا نهلك عمري نيشان
ايا جبت بانس غليته في لالكول وجبت لي كومبراس وبديت نزير وفتحتها غير شوية لقيت حاجة كحلة تماك يا تعرفو شاه ؟؟؟؟ والله غير الخيط باقي تماك
2 سم ولا مدورة والجرح قريب يتبلعلي
يا خوتي نحيتها و راني ندير في لي سوان
نصيحتي ليكم
لازملكم تكونفارميو بزاف مرات
والسلام عليكم
ههههههههههههه
حسبت روحي قاع راني نتفرج
اكشن ايا حمد لله على سلامتك وربي يشفيك
ربي يجيب الخير
ومرسي بزاف على النصيحة
سلام
الناس كامل تحب الطب تقرى الطب …..الطب فيه خدمة فيه نقود مي ……… اللى راح يداوي كيف راح تداويه هنا الله اعلم يقولو لك مع الوقت نتعلمو……. لكن حتى تقتل الناس !!!!!!!!!!
|
ايه صح عندك الحق فى هذي الواحد صار يخاف الطبيب اكثر من المرض
ربي يشفيك وان شاء الله ما يكون غير الخير
ههههههههههه
المهم ربي يجيبلك الشفاء
وربي يهدي الاطباء راهم غير يخلطوا برك
الحمد لله على سلامتك
وعلى مشاركتك الاعضاء قصتك
|
ليس كل طبيب من دون ضمير
وهذا لا يعني اننا كلنا نسعى وراء المال
عند اختيارنا لدراسة الطب لم ننظر الى المادة
كما تمعنا في الفائدة في ذلك
فلو لا وجود الطـــب
هل كان هناك تطور او تفسير لمعظم الحالات؟؟
فللاسف هذا هو المشكل في واقعنا
فحتى الصيدلي، الاستاذ، المحامي، وغيرهم
منهم من يعمل من دون ضمير
لذلك يمنع اضافة اي تعليق حول التحريض ضد الاطباء
والا سيحذف
بارك الله فيــــــكم
|
بارك الله فيك
|
ههههههههه الحمد لله وي براك الله فيك أختي
|
هههههههه عقلي عقلي
بارك الله فيك