اليوم لقيت وصفة عجبتني حبيت نوريهالكم هو قاطو جد خفيف
هذي حلوة سهلة في تحضيرها واقتصادية في مكوناتها و الاهم الذوق راااااااائع وتذوب في الفم
المقاديـــــــر :
– 500 غ مرغرين طرية
– كأس زيت
– كأس سكر رطب
– ملعقة صغيرة خميرة قاطو
– فاني
– رشة ملح
– 1 كغ فرينة
التزييــــــــــن :
– عسل
– ماء الزهر
– كاوكاو محمص ومرحي او قوفريط مرحي أو نوا د كوكو
التحضيــــــــر :
نحطو ملعقة الخميرة مع شوي فرينة و الملح ونخلوهم بجهة
المرغرين نكونو نحيناها بمدة من الثلاجة باش تكون طرية
ونخدموها باليد مليييييييح
ثم الزيت و السكر و باقي المكونات
حتى نتحصل على عجينة طرية
نشكل كويرات بنفس الحجم ونحطوهم في بلاطو مرشوش بالفرينة ويمكن استعمال ورق الشمع للطهي
ندخلوهم لفرن سخون مسبقا يطيبو على 180 درجة لمدة 10 دقائق من تحت وحمروهم غير شوي من فوق
شوفو كيفاه طابو من تحت
خلو حبات القاطو يبردو مليح مبعدا زينوهم
نسخنو العسل غير شوي ونخففوه بماء الزهر……العسل يجي أخف على العسل تاع المقروط و البقلاوة
نغطسوهم ف العسل ونحوهم مباشرة بلا ميطولو ونرمدوهم ف الكاوكاو المرحي
ونحطوهم ف الحاويات
بصحتكم و شهية طيبة
الله يسلم ايديك
بالاك نجربها
الاهم وينراه حقي
|
ما تزعف مني سلومتي برك
هاو ليك
نورنا حضورك انت و ام سراج 
:regards 01:
نزعق خفتي
صحيتي الزينة
يعطيك الصحة
بارك الله فيك ي وجزاك ي كل الخير
على الوصفه الشهية
يعطيك ي الف عافيه
بانتظاار وصفاات اخرى
تحيااااااااتي
والله غير ابان بنين وسااهل
ان شاااء الله نطبقو
يعطيك الصحة حبيبتي