غريبية شابة وبنينة من مطبخي 2024.

بسم الله الرحمان الرحيم
المكونات
كيلة مارغرين طرية
كيلة سكر قلاص
1/2 كيلة زيت
وما يلمو فرينة
للتزيين
حفنة لوز مقسومة على 2 او الكاوكاو وشمخة في شوية حليب الهدف منو انو اللوز كي نحطو فوق الحبة ناع لحلوة مايطيحش

التحضير
بالباتور نضرب المارغرين+السكر+الزيت حتى نتحصل على شبه كريمة ونلمها بالفرينة الى حد ما نقدر نشكل كويرة بلا ما تتفتت

نشكل الكويرات قد حبة الجوز ونرسهم في سبنية مرشوشة بالفرينة

نرشق كا حبة حلوة بحبة لوز

وندخلهم فرن يكون مسخن 180 ° حتى نشوفوهم بحمارو من التحت نخلي الحلوة تبرد تم نحيها من السينية

اتمنى تجربوها

يعطيك الصحة خدمتها نهار المولود و جاتني هايلة

يعطيك الصحة يا نوال

هايلة نوال صح .خرجتلي بنينة وتذوب في الفم
وهاهو التطبيق كان تشفاي

يعطيكوم الصحة لبنات كامل المهم نستفادو من بعضنا البعض وننقسو من الكوبي كولي

بارك الله فيك نوال بصحتك ندو

الله يسلمك ابتيسو

فرغي شوية من الرسائل الخاصة cared: راني ماقدرتش نبعثلك