للامانة الوصفة هزيتها من شاف حلويات
جزاها الله خيرا
جربتها وكانت النتيجة روووعة
تقدرو تستعملوها في تزيين الطورطات
او في ديكور الحلويات
فهي بديل لعجينة اللوز
ذوقها مليح وماتيبسش
تبقى محافظة على طراوتها
لمدة طويلة
وثالث حاجة تقدري تمديها لاولادك
يلعبو ويتفننو وفي الاخير يقدروا ياكلوها
رائد ديما ياكل العجين المدرسي ههه
المقادير
4 ملعقة صغيرة جيلاتين بودرة حلال
5 م كبيرة ماء
3 م ك جلوكوز
فاني
وسكر مسحوق ومنخول
الطريقة
نحط الجيلاتين والجلوكوز والماء
هذي صورة الجلوكوز للي مايعرفوش
ونحطهم على حمام مائي ونخلط حتان يذوب
ومن بعد نبعدها على النار
ونضيف الفاني والسكر البودرة لكن بالتدريج مش على دفعة واحدة
ونخلط مليح
ونواصل اضافة السكر
ونخلط مليح حتان تبدا تحكم روحها مليح
نحطها على سطح مرشوش بكمية وفيرة
من السكر
حطو السكر قدامكم وكملوا ضيفو السكرر بالتدريج
واعجني مليح
وابقاي ضيفي السكر حتى تتحصلي على عجينة لينة قابلة للتشكيل
اذا يبستلك شوي بلي يديك بقطرات ما وواصلي العجن
واذا حسيتيها مرخوفة ضيفي السكر
وهذي النتيجة النهائية
غلفيها ببلاستيك غذائي
واستعمليها وقت الحاجة
وهنا بعد مالونتها
وهنا اول تجربة ليا
خدمت صابلي بصح نقصت كمية السكر الى النصف
باش مايجيش حلو ياسر
دهنتو بطبقة خفيفة من المعجون المخفف بما الزهر
وحليت عجينة السكر وطبعتخا بنفس طابع الصابلي
والشخصيات اكيد مقتبسة من الانترنات ههه
وفي الاخير ان شاء الله نكون افدتكم 
مشكورة حبيبتي
هههه سبونج بوب وبسيط
يعطيك الصحة وبارك الله فيك على الوصفة والطريقة المضمونة
تبانلي احسن من اللي نشريوها تمتم تيبس و ما فيها حتي بنة
بارك الله فيك
ح ـلويـَََََََََـَآت تحفَهـ
وٍ مشكووٌوٌوٌرة عَلى طَريقةْ آلعَجينَة
