حبيت نجمع بعض الطورطات لي خدمتهم من قبل في موضوع
ولي عندها اي استفسار في طريقة التحضير تتفضل
يتكون من 3 طبقات
الطبقة الاولى جينواز خدمتها ب
2 حبات بيض + 60 غ فرينة + 60 غ سكر + رشة ملح وزاست ليمون
نطيبها في بلاطو ونقطعها بالمول الدائري وهذي اول طبقة
نسقيها بسيرو ونخليها بجهة
الطبقة الثانية
نغسل حبات الفراولة ونقطعهم مكعبات ونضيفلهم السكر حسب الرغبة والذوق وعصرة ليمون ونرحيهم بالميكسور
الكمية لي نتحصل عليها تقريبا تكون حوالي 3 اكواب فراولة مرحية
نذوب 4 م ك جيلاتين غبرة في شوية ما دافي ونضيفها لخليط الفراز ونحطهم على النار ونخلط حتان تهز الغلية ونطفي عليها
نقسم كمية الفراز ..نخلي كوبين للطبقة 2 وكوب واحد للطبقة الاخيرة ونخليها تبرد مليح
نخفق 2 كوب كرام فراش ومن الافضل تكون ماركة مليحة ..نخفقها بالباتور وطبعا حسب الذوق اضافة السكر
نخلط الكريمة المخفوقة مع 2 كوب الفراز لي كنا خليناهم وطبعا برفق واذا لقيتو لونها باهت ضيفو شوي ملون احمر شوية برك باش مايخرجش فاقع ونرجعها للثلاجة
الطبقة 3
كوب الفراز لي احتفظنا بيه نصفيه مليح ونخليه لاخر مرحلة
المونتاج ..نجيب المول لي فيه الجينواز ونحط انصاف حبات الفراولة على الجوانب
نصب خليط الكريمة والفراز ونحطها في المجمد لنصف ساعة
بعد ماتحكم روحها نصب الطبقة الاخيرة ولي هي كوب الفراز المصفى ونرجعها للثلاجة
من الافضل تركها ليلة كاملة في الثلاجة
لي شرف انني اول وحدة ترد عليك
تقولي راني في محل الحلويات
الله يبارك ربي يعطيك الصحة كل وحدة تقول لزي لختها
هي في الحقيقة ماهيش مالتسيرز اتصرفي باي ماركة فيها كعابر وخلاص
4 طبقات جينواز بالكاكاو
نسقي كل طبقة بنوتيلا مخففة بشوي حليب
ونحط بين الطبقات طبقة خفيفة من الشونتيي
ونغلف الكيكة كلها بالشونتيي وفوقها شيكولا نوار مذوبة مع شوي زبدة
ولصقي الكعابر مممممممم
|
شكرااا غاليتي حكيك ..هذا من ذوقك 
بارك الله فيك.
مالا عندنا مانستمتعو في رمضان
كل شي تحفة ماشاءلله
سؤال
تارت الفراز شحال تحتاج من كيلو نتاع فراز!
ونتي زدتيلها الملون الاحمر ولا لا ؟
بارك الله فيك يا بارعة
سلامي
|
الله يسلمك روزيتا الحبيبة
يتباع عندنا في علب كرطون صغيرة ..استعملت 2 وبقالي شوي
قولي اقل من كيلو بشوي
زدت الملون في الطبقة 2 فقط
كل الطوطات روعة كروعتك بصحتكم
ما شاء الله روعة روعة روعة وطريقة التزين تحفة
يعطيك الصحة