ممكن تساعدوني في معرفة توجه التقني رياضي و تخصصاته
للاسف وجهتني الادارة اليوم الي التقني مع انني لا اعرف شيئا عنها و لا احبها و لا اريدها
و قد اجري والدي اتصالات كثيرة لتغييري الي العلوم التجريبية التي في الحقيقة انا اخترتها لاكن اجابو بان هناك احتمالية 0.00005 لامكانية التغيير
لكن قدر الله و ما شاء فعل ..
ارجو ان تفيدوني بكل شيء يخص هادا المجال
وشكراااااااااااااا جزيلاااااااااااا
التقني رياضي مليحة و صعيبة شوية بصح اذا كنتي تعرفي الرياضيات و فيزياء تجيك ساهلة ختاش في زوج المعامل تاعهم 7 و التخصص تاعها كيما علوم تجريبية تقدري ديري بها كلش . ركزي برك و بتوفقيق انشاء الله
مرسي مرة اخري
ارجوا ان تفيدوني بمعلومات اكثر
تقني رياضي كاين كهرباء و كاين ميكانيك
متدرسيش العلوم الطبيعية
الميكانيك و الكهرباء تدرسي فيهم مادة وحدة فقط
المعامل نتاعهم 7
لرياضيات و لفيزياء 6
و باقي المواد المعامل 2
و انشاء الله كي توصلي للباك و حاولي تجيبي معدل مليح
حتى يعطوك شعبة مليحة
التقني رياضي حتى السنة الثانية باش تكون كاينة
و تقدري في بداية السنة تحطي طعن حتى يحولوك
لخطر كثير اصدقاءي حطوهم تقني و حذو طعن تحولوا بسهولة
و ربي يسهل انشاء الله
|
بلا مزية اختي
انا دائما موجود للمساعدة
و ربي ينجحك
اختي اذا قدرتي تتحولي تحولي لخطر هذيك الشعبة مهيش تاع لبنات
و ربي يسهل
*
*
التقني رياضي شعبة مليحة بزاف ياختي
المهم تكوني مليحة فالمات والفيزيك
ونقولك حاجة المات والفيزيك كيما تاع التقني كيما تاع العلوم تجريبية
هوما زايدين شوية برك على العلوم تجريبية مي مام فالعلوم تجريبية وتقراي الحوايج اتلزايدين هذوك باسكو
فالباك ديما يخلطو الحالة يعني رايحة تقراي كيف كيف
أنا نهار كنت نقرا فالسنة الأولى ثانوي كنت مترددة بينها وبين العلوم تجريبية بالصح أنا نحب علوم الطبيعة والحياة
وتالمون فالتقني رياضي ماكانش على هذي خيرت علوم تجريبية
مي نورمالمو يعطوكم تخيرو أسكو هندسة مدنية ولا هندسة كهربائية ولا هندسة الطرائق ولا هندسة ميكانيكية
هذو كامل كاينين فالثانوية
وممبعد كي تجيبي الباك تاعك تقدري تروحي واش حبيتي ختي ماكانش مشكل
ربي يوفقك أختي
وأي سؤال راني هنا
|
خاصة هندسة الطرائق والهندسة المدنية صحابات أكل يقراو فيهم هايلين بزااف